اڈپی28 فروری2022(فکروخبرنیوز) یہاں کے گرلز گورنمنٹ پی یو کالج کی طالبات جنہوں نے حجاب پہننے کے معاملے پر ہائی کورٹ سے رجوع کیا ہے، ان میں سے تین جو کہ پی یو (سائنس) سال دوم کی طالبات ہیں، مبینہ طور پر28 فروری بروز پیر کو ہونے والے امتحان پریکٹیکل میں شرکت کی اجازت نہیں دی گئی۔

اس واقعہ کی تفصیلات بیان کرتے ہوئے ایک ویڈیو بھی الماس نے جاری کی ہے اور ایک ٹویٹ کرتے ہوئے کہا کہ پرنسپل نے انہیں اور کالج کے دو دیگر سائنس اسٹریم کے طلباء کو آج پریکٹیکل امتحان میں شرکت کی اجازت نہیں دی۔ اس نے پرنسپل پر پولیس شکایت درج کرانے کی دھمکی دینے کا بھی الزام لگایا۔ طالبہ نے طالب علم نے دعویٰ کیا ہے  کہ ہم نے اپنی ریکارڈ بک مکمل کر لی تھی اور پریکٹیکل میں شرکت کے لیے پرجوش تھے۔ جب ہم کالج پہنچے تو پرنسپل نے ہمیں پانچ منٹ کے اندر جانے کو کہا جس میں ناکام ہونے پر اس نے ہمارے خلاف پولیس شکایت درج کرنے کی دھمکی دی۔ اس نے کہا کہ وہ اس دھمکی سے پریشان ہے۔

اپنے ٹویٹ میں الماس نے کہا کہ کالج کے بارے میں ان کی خواہشات اور خواب حجاب کے خلاف پھیلائی جانے والی نفرت کی وجہ سے بکھر رہے ہیں۔