آہ! سالار کارواں جاتا رہا                                                                                                                                       آج اس خبر سے دلی صدمہ پہونچا کہ  جماعت المسلمین بھٹکل کی ایک عظیم ہستی ،چیف قاضی مفتی مولانا اقبال ملا ندوی  اپنے خالق حقیقی سے جاملے۔ إنا لله وإنا إليه راجعون أللهم اجرني في مصيبتي وأخلف لي خيرا منه.  أللهم اغفر له وارحمه وعافه واعف عنه قاضی شریعت رحمه الله کوئی عام قسم کے عالم نہیں تھے بلکہ کثیر الجہات اور تہہ بتہہ شخصیت  کے مالک تھے اورمولانا كا شمار ہندوستان میں فقہ شافعی کے اکابر علماءمیں ہوتا تھا۔ ان کا ذھن قوم و ملت کی فکر  کے سانچے میں ڈھلا ہوا تھا۔ وہ دینداری میں زر خالص اور لولوئے آبدار تھے ان کی فکر میں بڑی سنجیدگی  و متانت اور خیالات میں انتہائی پاکیزگی تھی۔ بھٹکل وقرب وجوار کے مسلمانوں کے لئے موصوف نے جو عظیم الشان کارنامے انجام دیے ہیں وہ آب زر سے لکھے جانے کے لائق ہے۔ ان کی خدمات جلیلہ اور علمی یادگاریں ہیں جنہیں جمع کرنا اب ہمارے علماء مفتیان کی ذمہ داری ہے.  آپ کی وفات قوم و ملت کا بڑا خسارہ ہے  اب وہ سفر آخرت پر روانہ ہوچکے ہیں۔  الله رب العالمین موصوف کی خدمات و حسنات کو قبول فرماکر جنت الفردوس میں اعلی مقام عطاء کرے اللہ رب العالمین آپ کی مغفرت فرمائے اور کروٹ کروٹ جنت نصیب فرمائے آمین  اپ کی وفات سے پوری ملت و علمی دنیا خصوصاقوم نوائط اج اپنے سب سے بڑے علمي  شخصيت سے محروم هوگئی ہے۔ 
سکریٹری
محمد سعود سدي با پا

(بزم مدينة المدينة المنورة)