بنگلورو 06/ اگست 2020(فکروخبر نیوز،کنڑا سے ترجمہ) کرناٹک میں ایس ایس ایل سی کے نتائج کے اعلان کی خبریں آنے کے بعد طلباء اور والدین کی دھڑکنیں تیز ہوگئیں تھیں لیکن اب آنے والی خبر نے سبھی کو حیرت میں ڈال دیا ہے۔ وزیر تعلیم سریش کمار نے واضح کردیا ہے کہ ایس ایس ایل سی کے نتائج کے کل اعلان کی خبر میں کوئی سچائی نہیں ہے۔انہوں نے کہا کہ ہم نے ابھی تک نتائج کی تاریخ کا حتمی اعلان نہیں کیا گیا ہے۔
واضح رہے کہ سریش کمار نے ہی اعلان کیا تھا کہ ایس ایس ایل سی کے نتائج کا اعلان اگست کے پہلے ہفتہ میں کیا جائے گا۔
ملحوظ رہے کہ کورونا وائرس کی وجہ سے ایس ایس ایل سی کے امتحان ملتوی کردیئے تھے لیکن جیسے ہی لاک ڈاؤن میں نرمی برتی گئی تو مخالفتوں کے باوجود وزیر تعلیم نے ایس ایس ایل سی کے امتحانات کا اعلان کیا گیا ہے اور طلباء نے پوری احتیاطی تدابیر کے ساتھ امتحان لکھا۔
Share this post