بھٹکل 23؍ مئی 2022(فکروخبرنیوز) سمندر میں ماہی گیر کشتی ڈوب جانے سے اس پر سوار پانچ افراد دوسرے ماہی گیروں کے تعاون سے ساحل پر پہنچنے میں کامیاب ہوگئے۔

موصولہ اطلاعات کے مطابق مشتاق اپنے دیگر چار ساتھیوں ابوبکر ، حمید ، شبیر اور اشرف کے ساتھ اتوار صبح گیارہ بجے ماہی گیری کے لیے نکلے لیکن اسی روز ان کی کشتی طوفان کی زد میں آنے سے ڈوبنے کے قریب ہوگئی۔ اسی وقت انہوں نے عرفان نامی شخص کی کشتی سے رابطہ کرکے صورتحال سے آگاہ کیا اور مدد کی درخواست کی جس پر وہ متعلقہ جگہ پر پہنچ گئے اور ہمیں (پانچوں ماہی گیروں) کو اپنی کشتی پر سوار کرلیا۔

سوشیل میڈیا پر ڈوبنتی کشتی کی ویڈیو بھی وائرل ہوگئی ہے جس میں صاف طور پر دیکھا جاسکتا ہے کہ ایک کشتی میں پانی بھرگیا ہے اور وہ ڈوبنے کے قریب ہے۔

کشتی کے مالک کے مطابق کشتی میں جال سمیت دیگر قیمتی اشیاء بھی تھی جو ساحل تک نہیں لائی جاسکتی ہے، قریب دس لاکھ روپئے کا نقصان ہونے کی بات کہی جارہی ہے۔