بنگلورو20 اکتوب 2022(فکروخبرنیوز)  ڈائرکٹر جنرل اور انسپکٹر جنرل آف پولیس پروین سود نے منگل کو تمام کمشنریٹس اور تمام اضلاع کے ٹریفک محکمہ کے سربراہان اور پولیس سپرنٹنڈنٹ کو ہدایت دی کہ وہ موٹر گاڑیوں کے تمام مسافروں کے لیے سیٹ بیلٹ پہننا لازمی کریں۔ اس سلسلہ میں اس بات کا بھی دھیان رکھیں کہ سوار افراد کی تعداد آٹھ سے زائد نہ ہو۔ خلاف ورزی کی صورت میں ایک ہزار روپئے کا جرمانہ عائد ہوگا۔

مرکزی وزارت روڈ ٹرانسپورٹ اینڈ ہائی ویز (RT 11036/15/2022) کے 19 ستمبر 2022 کے حالیہ حکم نامے کا حوالہ دیتے ہوئے ٹریفک اور روڈ سیفٹی کے کمشنر آر ہیتیندر نے کہا کہ موٹر وہیکل ایکٹ کی دفعہ 194B کے مطابق جو بھی سیٹ بیلٹ لگائے بغیر موٹر گاڑی چلانا یا حفاظتی بیلٹ نہ پہنے مسافروں کو لے جانے پر 1000 روپے  جرمانہ عائد کیا جائے گا۔

مہاراشٹر کے پالگھر میں تیز رفتار کار حادثے میں ٹاٹا سنز کے سابق چیئرمین سائرس مستری کی موت کے بعد ایم او آر ٹی ایچ آرڈر جاری کیا گیا تھا۔ مسٹر مستری پیچھے کی سیٹ پر تھے اور سیٹ بیلٹ نہیں پہنے ہوئے تھے۔

تاہم سٹی ٹریفک پولیس نے کہا کہ اس سال ستمبر میں اس قاعدے کو اپ ڈیٹ کرنے کے بعد سے وہ مسافروں کے لیے لازمی سیٹ بیلٹ نافذ کر چکے ہیں۔

سٹی ٹریفک پولیس کے ایک سینئر اہلکار نے بتایا کہ ہم پہلی بار خلاف ورزی کرنے والوں پر ₹500 کا جرمانہ اور دہرانے والے جرائم پر ₹1,000 کا جرمانہ کر رہے ہیں۔ تاہم، اب پہلی بار کے جرائم پر بھی 1000 روپے جرمانہ عائد کیا جائے گا۔ بشکریہ: منگلورو ٹوڈے