سال نوکے شروع میں ریل سفر اور مہنگا ہو سکتا ہے۔وزرات ریل

ریلوے کی قرار پالیسی کے مطابق ایندھن اور توانائی کے اخراجات سے متعلق مسافر کرایہ اور مالبھاڑے میں سال میں دو بار ترمیم کیا جانا ہے۔ آخری بار ترمیم جون میں کیا گیا تھا۔ اس وقت مسافر کرایوں میں 4.2 فیصد کا اضافہ کیا گیا تھا۔حال میں کرایوں میں اضافہ کا اشارہ دیتے ہوئے وزیر ریل سریشپربھو نے ایک پروگرام میں کہا تھا، کچھ بوجھ تو لوگوں کو اٹھانا ہوگا۔ ریلوے کے بڑھتے اخراجات کو پورا کرنے کے لئے کرایوں میں اضافہ کے امکان کے بارے میں پوچھے جانے پر پربھو نے اس کی امکان سے انکار نہیں کیا تھا۔ بہتری کے حامی مانے جانے والے پربھو نے کہا تھا، کرایوں میں اضافہ سے پہلے مسافر خدمات میں بہتری کیا جانا چاہئے۔ سیکورٹی کے ساتھ سمجھوتہ نہیں کیا جا سکتا۔ بھاری سرمایہ کاری کی ضرورت ہے۔اس کا کچھ بوجھ تو لوگوں کو اٹھانا ہوگا۔

مرغیوں کو موسمی بیماریوں سے بچانے کیلئے حفاظتی تدابیر پر عملدرآمدکی ہدایت

چنڈی گڑھ ۔دسمبر 14 (فکروخبر/ذرائع) ماہرین لائیو سٹاک نے موسم کی تبدیلی ، سرد ہوائیں چلنے اور خشک سالی کے باعث مرغیوں کو موسمی بیماریوں سے بچانے کیلئے حفاظتی تدابیر پر عملدرآمدکی ہدایت کی ہے اور کہاہے کہ پولٹری فارمرز شیڈز کی اچھی طرح صفائی سمیت اچھی قسم کے سپرے یا جراثیم کش ادویات کا استعمال یقینی بنائیں تاکہ عوام کو صحت مند مرغیوں کے گوشت کی فراہمی ممکن ہو سکے۔ایک ملاقات کے دوران ماہرین لائیو سٹاک و پولٹری فارمنگ نے کہا کہ لائیو سٹاک اینڈ پولٹری فارمرز خصوصاً مرغی پال حضرات شیڈ کا درجہ حرارت 75تا 80فارن ہائٹ تک برقرار رکھیں اور سردیوں میں ٹھنڈی ہو اسے بچاؤ کیلئے پلاسٹک کے پردے لگانے سے پرہیز کیا جائے ۔ انہوں نے کہا کہ چونکہ پلاسٹک کے پردوں سے شیڈ میں نمی کا خدشہ ہوتا ہے جس سے پرندے دم گھٹ کر مر سکتے ہیں اس لئے موٹے جینز کے پرد وں کو استعمال میں لایا جائے ۔انہوں نے کہا کہ شیڈ میں تازہ ہوا کی آمد و رفت کا مناسب انتظام ہونا چاہیے جس کی وجہ سے سانس کی بیماریوں کا امکان بہت حد تک کم ہو جاتا ہے۔ رات کو پردے نیچے کرتے وقت تازہ ہوا کیلئے تھوڑا بہت رستہ رکھیں۔ شیڈ کا درجہ حرارت برقرار رکھنے کیلئے ہیٹر یا بھٹی کا استعمال کیا جائے اور اس بات کا خیال رہے کہ دھواں جمع نہ ہو کیونکہ دھویں سے پرندوں کے پھیپھڑوں پر اثر پڑتا ہے۔ انہوں نے کہا کہ بورا یا چاول کا چھلکا نیچے استعمال کیا جائے اور جب یہ گیلا ہو جائے توا سے فوراً بدل دینا چاہیے۔ انہوں نے کہا کہ سردیوں میں پرندوں کو وٹا من ای دینا چاہیے ۔ انہوں نے کہا کہ اگر کوئی پرندہ مر جائے تو اسے گہرا گڑھا کھود کر زمین میں دبا دینا چاہیے اور فارم کے ارد گرد چونا بھی چھڑک دیا جائے تاکہ جراثیم پیدا ہونے کا خطرہ کم سے کم ہو سکے۔انہوں نے شیڈول کے مطابق پرندوں کی ویکسینیشن کروا نے کی ضرورت پر بھی زور دیا ۔