بھٹکل 22 اگست 2021 (فکروخبرنیوز/ذرائع) کرناٹک اسٹیٹ نیچورل ڈیزاسٹر مانیٹرنگ سینٹر کی پیش گوئی کے مطابق جنوبی کنیرا ، اڈپی اور اترا کنڑا اضلاع میں ہلکی سے درمیانی بارش کا امکان ہے۔

بنگلورو کے کچھ علاقوں میں 19 اگست سے موسلادھار بارش ہورہی ہے اور 25 اگست تک شدید بارشوں کا سلسلہ جاری رہنے کا امکان ہے۔ کرناٹک اسٹیٹ نیچورل ڈیزاسٹر مانیٹرنگ سینٹر نے کہا کہ مذکورہ اضلاع میں درمیانی تا بھاری بارش ہوگی۔ ایک مقامی میڈیا رپورٹ میں کہا گیا ہے کہ 24 اگست تک کرناٹک کے نو اضلاع بشمول بنگلور اربن ، بنگلور رورل ، چکبالاپور ، چکمنگلورو ، ہاسن ، کوڈاگو ، کولار ، رام نگر اور شیوا موگا سمیت تمام اضلاع کے لیے ایلو الرٹ کا اعلان کیا گیا ہے۔

کے ایس این ڈی ایم سی نے بروہت بنگلورو مہانگارا پالیکے (بی بی ایم پی) کے علاقے کے لیے اپنی پیش گوئی میں کہا ہے کہ وسیع پیمانے پر درمیانی تا موسلادھار بارشیں ہوں گی اور اس علاقے میں تیز ہواؤں اور گرج چمک کے ساتھ بارش کا امکان ہے۔ کے ایس این ڈی ایم سی کے ایک عہدیدار نے بتایا کہ 21 اگست کو شہر کے شمالی حصے میں زیادہ سے زیادہ بارش ہوئی۔

کے ایس این ڈی ایم سی کی پیش گوئی کے مطابق ساحلی اضلاع میں ہلکی سے درمیانی بارش ہوگی۔ جنوبی کنیرا ، اڈپی اور اتر کنڑا اضلاع میں بہت ہلکی سے درمیانی بارش کا امکان ہے۔ دریں اثنا ، چکمنگلورو ، ہاسن ، کوڈاگو اور شیوا موگا اضلاع میں ہلکی بارش ہوسکتی ہے۔

ٹائمز آف انڈیا کی ایک رپورٹ میں کہا گیا ہے کہ کرناٹک میں اگست کے ابتدائی ہفتوں میں دو ماہ کی شدید بارش کے بعد ہونے والی بارش سے نقصان بھی ہوسکتا ہے۔ کے ایس این ڈی ایم سی کے اعداد و شمار سے پتہ چلتا ہے کہ ابتدائی ہفتوں میں ریاست میں معمول سے 47 فیصد کم بارش ہوئی ہے۔

جولائی کے آخری ہفتے میں ، بنگلورو میں شدید بارش نے شہر کے کچھ حصوں کو زیر آب کردیا تھا۔ شہر کے شہری ادارے کو خاص طور پر لال باغ اور السور جھیل کے علاقوں سے پانی جمع ہونے کی کئی شکایات موصول ہوئیں۔ شہر کے ڈوملور علاقے میں ایک مکان کی دیوار بھی گر گئی تھی۔