منگلور:17نومبر2021(فکروخبر/ذرائع)اخبارات اور دیگر ذرائع ابلاغ کے ذریعہ آن لائن فراڈ سے متعلق  خبردار کئے جانے کے باوجودلوگ پھر بھی  فراڈیوں کے جال میں پھنس کر اپنی جمع پونجی سے ہاتھ دھو رہے ہیں۔

اب  اسی طرح کاایک اور واقعہ پیش آیا ہے جس میں ایک شخص کو  آن لائن لون اسکیم کا لالچ دیتے ہوئے اس سے  1.2 لاکھ روپے کا چونا لگایا گیا ہے ، ۔ اس سلسلے میں سائبر کرائم پولس تھانہ میں شکایت درج کی گئی ہے۔

 تفصیلات کے مطابق مذکورہ شخص کو  19 اکتوبر ایک کال موصول ہوئی۔ شکایت میں کہا گیا ہے کہ کال کرنے والے نے خود کو آدتیہ برلا گروپ کا نمائندہ بتایا اور 12 لاکھ روپے کے قرض کا بندوبست کرنے کا وعدہ کیا۔ کال کرنے والے نے پھر کانفرنس کال کی سہولت کے ذریعے ایک اور شخص کو شامل کیا اور تینوں نے اس تجویز پر تبادلہ خیال کیا۔ کال کے دوران اس شخص سے کہا گیا کہ وہ واٹس ایپ کے ذریعے اپنا پین نمبر اور آدھار کارڈ کی تفصیلات فراہم کرے۔ یہ شخص آسانی سے قرض حاصل کرنے کے لالچ میں آگیا اور ان کی درخواست کے مطابق تفصیلات بھیج دیں۔

23 اکتوبر کو، ایک شخص جس نے کہا کہ وہ Bharti AXA لائف انشورنس کا نمائندہ ہے، شکایت کنندہ کو فون کیا۔ اس نے اس شخص سے 2,700 روپے کے جی ایس ٹی کے ساتھ 60,000 روپے کا ششماہی پریمیم بھیجنے کو کہا۔ اس شخص نے اپنے دو کریڈٹ کارڈز کے ذریعے رقم بھجوائی۔ کچھ دنوں کے بعد اسے معلوم ہوا کہ وہ ٹھگی کا شکار ہو چکا ہے