بنگلورو22؍ جون2023 : کرناٹک کے محکمہ تعلیم نے پہلے کی سروے رپورٹوں کی بنیاد پر ایک سرکلر جاری کیا ہے، جس میں کہا گیا ہے کہ اسکول کے بیگ کا وزن 1.5 کلوگرام اور 5 کلو کے درمیان ہوسکتا ہے، جو بچے کی عمر پر منحصر ہے، اور مزید کہا کہ اسکولوں میں ہفتہ میں ایک دن نو بیگ ڈے بھی  ہونا چاہیے۔

1993 کی یشپال ورما کمیٹی کی طرف سے پیش کی گئی لرننک وتھ آؤٹ لوڈ کی رپورٹ، مرکزی حکومت کی 'اسکول بیگ پالیسی 2020'، مرکز برائے اطفال اور قانون، ریاستی محکمہ تعلیم ریسرچ اینڈ ٹریننگ کی طرف سے پیش کردہ سروے آرتھوپیڈک ماہرین کی سفارشات کے ساتھ ساتھ محکمہ تعلیم نے کہا ہے کہ اسکول کے بچے اپنے جسمانی وزن کا زیادہ سے زیادہ 15 فیصد بوجھ اٹھا سکتے ہیں۔

محکمہ تعلیم کی جانب سے کلاس 1 اور 2 کے بچوں کے لیے اسکول بیگ کا وزن 1.5 کلو سے 2 کلو گرام مقرر کیا گیا ہے۔ کلاس 3 سے 5 کے بچوں کے لیے 2 کلو سے 3 کلوگرام؛ کلاس 6 سے 8 کے بچوں کے لیے 3 کلو سے 4 کلوگرام؛ اور کلاس 9 اور 10 کے بچوں کے لیے 5 کلو۔ سرکلر میں مزید کہا گیا ہے کہ ہر اسکول کو ہفتے میں ایک بار 'نو بیگ ڈے' منانا چاہیے۔

اسکول کے اساتذہ کو ہدایت دی گئی ہے کہ وہ اس بات کو یقینی بنائیں کہ نصابی کتب سمیت ایک دن کے لیے مطالعہ کا مواد مقررہ وزن کی حد سے زیادہ نہ ہو۔ نوٹ بک 200 صفحات سے زیادہ نہیں ہونی چاہیے۔ ہراسکول میں پینے کے پانی کی سہولت ہونی چاہیے، تاکہ بچوں کو پانی کی بوتلوں کا اضافی وزن اٹھانے سے بچایا جا سکے۔ طلباء کے والدین کو بھی بھاری اسکول بیگ لے جانے کے مضر اثرات سے آگاہ کیا جانا چاہئے، محکمہ نے سرکلر میں کہا ہے کہ اس انتباہ کے ساتھ کہ اس معاملے سے متعلق ہدایات کی خلاف ورزی کرنے والے اسکولوں اور اساتذہ کے خلاف سخت کارروائی کی جائے گی۔