بھٹکل17اگست 2020(فکروخبر/پریس ریلیز) سرور کائنات تاجدار مدینہ حضرت محمد مصطفی صلی اللہ علیہ وسلم کی شخصیت محبوب خلائق ہے، زمان و مکان، ادیان و مذاہب اور نسل و رنگ  کی حدود سے بالاتر ہو کر لوگوں نے آپ سے محبت کی ہے،اس کی سب سے بنیادی وجہ یہ ہے کہ آپ اخلاق حسنہ کے پیکر تھے، دوسری وجہ یہ بھی ہے کہ آپ پوری دنیا کے لئے رحمت بن کر آئے اور آپ کی تعلیمات دم توڑتی انسانیت کے لئے مسیحا ثابت ہوئیں. رہتی دنیا تک اس کی نافعیت بلکہ ضرورت محسوس کی جاتی رہے گی سچی بات یہ ہے کہ آپ کے ارشادات و تعلیمات کے بغیر دنیا ضلالت و گمراہی کے صحرا میں بھٹکتی رہے گی۔