ارتداد کے واقعات کے پس منظر میں اربابِ فکر کے لیے نایاب موقع

fik_بنیادی دینی تعلیمات کا صرف 32دن کاڈپلومہ ان اسلامک اسٹڈیز کورس اردو ،انگریزی اور ہندی میں

اسلام پر بڑھتی اعتماد کی کمی میں اب ہمارے ملک میں صرف خوش حال گھرانوں کے بچے اور بچیاں نہیں رہ گئے ہیں، دینی گھرانو ں کی اولاد کا بھی حال کچھ کم قابلِ تشویش نہیں ہے، اب ایسے بچوں اوربچیوں کو ہم جبرواکراہ سے تعلیم سے آراستہ نہیں کرسکتے اور نہ ان کے تئیں اپنی دعوتی ودینی ذمہ داری کو ہم نظر انداز کرکے خاموش بیٹھ سکتے ہیں، ان سب محرکات بالخصوص ہمارے ملک میں مسلسل بڑھتے ارتداد کے تشویشناک واقعات کے تناظر میں ایک کامیاب،آسان اورعملی شکل جس کا الحمدللہ مختلف علاقوں میں کامیاب تجربہ کیاگیاہے، طالبات یا طلباجب اس قرآنی ودینی نظام میں شرکت پر آمادہ ہوجائیں تو ہمیں مندرجہ ذیل امور کی رعایت رکھنی ہے:۔
1)  پہلے ہفتہ ان کو ترجمہ کے ساتھ صرف سورہ فاتحہ اور ابتدائی پانچ سورتیں اورنماز کے چھ اذکار زبانی یاد کرانے ہیں،روزانہ فقہ کے بنیادی پانچ مسائل بتانے ہیں پانچ منٹ سیرت نبوی کی اہم باتیں خلاصہ کے طور پر بیان کرنی ہیں اور روز مرہ کی چھ اہم دعائیں اور چھ عملی حدیثیں ترجمہ کے ساتھ یاد کرانی ہیں۔
 2)  ایمانیات یعنی توحید ورسالت اور آخرت پرروزانہ دس منٹ بات کرنی ہے۔ 
 3)  اسلام سے متعلق شکوک وشبہات کے ازالہ کے عنوان سے ان کو طلاق،خلع،وراثت اور تعدادِ ازدواج وغیرہ کی حکمتوں سے وقتاًفوقتاً آگاہ کرناہے۔

 4)  اخلاقیات کے نام سے معاشرتی مسائل مثلاً والدین، میاں بیوی، پڑوسیوں کے حقوق، اولاد کے تعلق سے والدین کے فرائض،نماز ودیگر فرائض کے چھوڑنے پر وعیدوں اور پردے وغیرہ کی اہمیت کے تعلق سے کسی ایک آیت یا حدیث کو بنیاد بناکر ان کی روزانہ ذہن سازی کرنی ہے۔
 5) روزانہ ان کو ایک سنت پر عمل کرنے کی ترغیب دینی ہے،مثلاً پہلے دن باوضوسونے،  دوسرے دن رات کو سورہ معوذتین پڑھ کر سونے وغیرہ کی فضیلت   بتانی ہے اورہردوسرے دن اس عملی سنت پر ان کے عمل کا جائزہ بھی لیناہے۔ 
 6)  ان بچوں اور بچیوں کے مزاج اورنفسیات کو سامنے رکھتے ہوئے ان کو گھر کے ماحول کی طرح اس تعلیم کے دوران بھی پُرکشش ماحول فراہم کرناہے تاکہ ان کو وحشت نہ ہو۔
7) ایک معلمہ یا معلم کے پاس چارطلبایا طالبات سے زائد نہ ہوں تاکہ ایک گھنٹے میں پوری توجہ کے ساتھ مطلوبہ دینی موادآپ ان کو ذہن نشین کراسکیں۔  

8) چونکہ یہ مکتب کا نظام نہیں، ہاء ی اسکول،کالجس  یا یونیورسٹیوں میں زیرِ تعلیم یاوہاں سے فارغ طلبا ہیں اس لیے ان کی نفسیات کو دیکھتے ہوئے مسجد کے بجائے کسی علیحدہ عمارت میں اس کا نظم کیا جائے تو بہتر ہے تاکہ وہ بآسانی اس نظام کی طرف راغب ہوسکیں۔

 9)  طالبات وطلباکو پہلے دن سے ہی جبراً کسی چیزکا پابند نہ کیاجائے اس لیے کہ وہ جس اخلاق سوز ماحول سے اس دینی نظام میں شرکت پر آمادہ ہوئے ہیں اس کے پیشِ نظر ان کی نفسیات کے مطابق ہی ان کی بتدریج تربیت مطلوب ہے، دعوتی حکمت سے کام لیاجائے، کچھ دن کی قرآنی تعلیمات کے بعد ان شاء اللہ ان میں خود بخود اللہ تعالی تبدیلی پیدا فرمائیں گے۔اگر آپ کے پاس خود کی عمار ت نہیں ہے تواپنے شہر کے اسکول کے ذمہ داروں سے بات کرکے عصر تا مغرب یا عشاء عاریۃً ایک آدھ کمرے کچھ ماہ کے لیے حاصل کیے جائیں،اس طرح خود اس ادارے کے طلبا بھی آپ کے اس نظام میں بآسانی شریک ہوسکیں گے۔ 
ان شاء اللہ جو نوجوان بچیاں اور بچے مدرسوں میں آنے سے کتراتے ہیں یا جن کے پاس اپنی ملازمتوں یا تعلیم میں مشغولیت کی وجہ سے مستقل اپناوقت بنیادی دینی تعلیم کے لیے فارغ کرنے کی گنجائش نہیں وہ مختصرمدتی اس نظام سے بڑی آسانی سے فائدہ اٹھاپائیں گے،یا کم از کم روزمرہ کے اہم دینی فرائض سے واقف ہوجائیں گے اور حرام وحلال کے تعلق سے موٹی موٹی باتیں ان شاء اللہ ان کے ذہن نشین ہوجائیں گی،
الحمدللہ مولانا ابوالحسن علی ندوی اسلامک اکیڈمی بھٹکل (کرناٹک)کی طرف سے مذکورہ مختصر مدتی اس نصابی تجربہ کو عمل میں لایاگیاہے اوراس کے لیے ''بنیادی دینی تعلیمات ''کے نام سے چالیس روزہ نصاب بھی اردو انگریزی اور ہندی میں ترتیب دیاگیاہے،جس میں مذکورہ بالاروزانہ کے ان تمام مضامین کے علاوہ اسلام کے متعلق شکوک وشبہات کے ازالہ وغیرہ کے تعلق سے مطلوبہ مواد کے احاطے کی کوشش کی گئی ہے،ملک و بیرون ملک کے مختلف مقامات و شہروں میں اس کا کامیاب تجربہ بھی ہورہاہے اور اللہ تعالیٰ کے فضل سے اس کے بڑے اچھے اثرات مرتب ہورہے ہیں،ن شاء اللہ ہماری اکیڈمی کی طرف سے اس نصاب کی تکمیل پر ممتاز طلباوطالبات کو گولڈمیڈل کی شکل میں انعامات کے علاوہ ڈپلومہ ان اسلامک اسٹڈیز کی سرٹیفکٹ بھی دی جائے گی۔اردو،انگریزی  اور ہندی کی یہ تینوں کتابیں  پچاس فیصد رعایت کے ساتھ  75 روپیہ میں دستیاب ہیں،ڈاک خرچ 25 روپیہ۔

 محمد الیاس ندوی
جنرل سکریٹری
مولانا ابوالحسن علی ندوی اسلامک اکیڈمی بھٹکل

مزید تفصیلات کے لیے یاان مطلوبہ کتابوں کے لیے اکیڈمی سے رجوع کرسکتے ہیں ۔
Moulana Abul Hasan Ali Nadvi Islamic Academy Bhatkal 581320
Email:[email protected] mail.com
Mob:9620104757/9141176313
WhatsApp:9620104757
Googlepay:9620104757