بھٹکل18/ نومبر 2020(فکروخبر نیوز) جامعہ اشاعت العلوم اکل کوا کے ذمہ دار حضرت مولانا غلام احمد وستانوی صاحب مدظلہ العالی کے فرزند ارجمند مولانا حذیفہ وستانوی صاحب کی بھٹکل آمد کے موقع پر مولانا ابوالحسن علی ندوی اسلامک اکیڈمی بھٹکل میں عصر حاضر کے چیلنجز اور علماء کی ذمہ داریوں کے عنوان پر علماء کرام کے لیے کل بروز جمعرات مؤرخہ ۳/ ربیع الثانی 1442 مطابق 19نومبر 2020 بعد نمازِ عشاء پاؤنے نو بجے ایک اہم مجلس منعقد کی گئی ہے۔ اس اہم نشست میں اکیڈمی کے بانی وجنرل سکریٹری مولانا محمد الیاس صاحب ندوی دامت برکاتھم بھی تمہیدی گفتگو فرمائیں گے اور مذکورہ موضوع پر علماء کرام کی رہنمائی بھی فرمائیں گے۔ان کے علاوہ بھٹکل کے کئی مؤقر علماء کرام بھی اس نشست پر شرکت فرمائیں گے۔ 
    جملہ علماء کرام سے اس پروگرام میں شرکت کی درخواست کی گئی ہے۔