منگلورو 13 مئی 2024: دکشینا کنڑ کے کئی علاقوں میں گرج چمک کے ساتھ بارش ہوئی ہے۔ منگلورو میں پیر کی صبح کے اوقات میں ہلکی بارش ہوئی۔
پتور، بیلتنگڈی اور سلیا میں بھی بارش ہوئی۔ پتور اور بنٹوال میں تیز ہواؤں کے ساتھ ہوئی بارش کی وجہ سے کئی مکانات پر درخت گرنے سے نقصان ہوا ہے۔ تیز ہواؤں اور درخت گرنے کے واقعات سے سات مکانات کو نقصان پہنچا۔
بنٹوال کے وٹلاپڈنور میں تیز ہواؤں کی وجہ سے ایک اسکول کی چھت کو نقصان پہنچا۔ بعض مقامات پر بارش کا پانی سڑکوں پر بہتا بھی نظر آیا۔
محکمہ موسمیات نے جمعہ سے یلو الرٹ جاری کیا تھا۔
Share this post