منگلور ایرپورٹ میں ایک اور غیر قانونی سونا برآمد کیے جانے کی واردات

تازہ واقعہ کے مطابق آج بروز اتوار دبئی سے آنے والے ایک مسافر سے سونے کے اسٹیپلر پن ضبط کرلیے گئے ہیں ۔ ملزم کی شناخت کاسرکوڈ کے میقم نصیف کوول (28) کی حیثیت سے کرلی گئی ہے ۔ یہ مسافر ائیر انڈیا ایکسپریس طیارے سے منگلور کے ہوائی اڈے پر پہنچا تھا ۔ دورانِ چھان بین کسٹم افسران نے ڈرائی فروٹ کا ایک باکس برآمد کیا جس کو اسٹیپلر پن سے بند کرلیا گیا تھا ۔ زیادہ تحقیقات کرنے کے بعد پتہ چلا کہ اسٹیپ لیر پن سونے کے ہیں جن پرسلور کوٹنگ کی گئی ہے جس کا جملہ وزن 577گرام ہے اور مالیت 17لاکھ روپئے ۔ ملزم کو گرفتار کرنے کے بعد مزید تحقیقات جاری ہیں ۔