مجلس اصلاح و تنظیم لفظوں کے سانچے میں

( ل ) لام یعنی رزم و پیکارِ محبت کے اسیر
( س ) سین سے ہے منظرِ بھٹکل ہمارا شاد باد

( ا ) اور الف میں اُنس و اُلفت کا ہمیشہ عکس ہے
( ص ) صلح جوئی ، آشتی اور امن کا مظہر ہے صاد

( ل ) لائقِ تعظیم ٹہراتی ہے ، ثانی لام بھی
( ا ) پھر الف میں بھی ہے پوشیدہ اخوت کا مواد

( ح ) حاء حمیت حاصلِ اصلاح ہے تنظیم کی
( و ) واو وحدت اور یک جہتی پہ اُس کا اعتماد

( ت ) تاء تعاون ہی ازل سے اُس کا نصب العین ہے
( ت ) جس نے ہی بخشا ہے اُس کو اک صدی کا امتداد

( ن ) نون میں اسلاف کے حسنِ عمل کے ہیں نقوش
( ظ ) ظلم پرور تفرقوں میں ظاء منظم اتحاد

( ی ) یاء ہے یکتا ، یاء یگانہ ، یاء ہے یارا ، یاوری
( م ) میم منزل ہو مبارک جس پہ ہو پائندہ باد 

ہے دعا\" فکر و خبر\" کی ہو تجھے مقبولیت
شہرِ بھٹکل میں رہے تو ہر طرح آباد و شاد

لفظ سے جملہ بنا ، جملے سے اک مصرعہ ہوا
یہ تیری حسنِ ادا نعماںؔ رہے گی سب کو یاد