سو فیصد نمبرات سے کامیاب ہونے والے طلباء وطالبات کے مابین قرعہ اندازی کے ذریعہ سے سات طلباء کو گولڈ میڈل او رٹرافی سے نوازا گیااور بقیہ طلباء طالبات کے درمیان سرٹیفکٹ تقسیم کیے گئے۔ اسٹیج پر موجود مہمانوں اور ذمہ داروں نے اپنے خیالات کا اظہار کرتے ہوئے کامیاب اجلاس عام کے انعقاد پر اپنے مسرت کا اظہار کرتے ہوئے طلباء کو مبارکبادی بھی پیش کی۔ ملحوظ رہے کہ مدرسہ تعلیم القرآن دمام میں اس وقت 125طلباء وطالبات زیر تعلیم ہیں، مدرسہ میں بھٹکلی طلبہ کے علاوہ غیر بھٹکلی کی بھی ایک بہت بڑی تعداد موجود ہے ، جلسہ میں ممبرانِ جماعت اور طلباء وطالبات کے سرپرستوں کی ایک بڑی تعداد موجود تھی۔ جلسہ کی نظامت مولانا اواب اکرمی ندوی اور مولانا اسامہ کولا ندوی نے بحسنِ خوبی انجام دئیے۔ اسٹیج پر صدر جماعت مولانا عبدالباسط ندوی ، سکریٹری سید مزمل رکن الدین ، جناب قاضیا یونس اور اقبال کیمیا ودیگر ذمہ داران موجود تھے۔
Share this post