منگلورو، 14 مارچ: قومی شاہراہ 66 پر منگلور کے قریب دریا فالگونی کے پار اپنی نوعیت کے الگ ہی ڈیزائن کی وجہ سے شہرت رکھنے والا  68 سالہ قدیم پل کو 16 مارچ سے مرمت کے کاموں کے لئے بند کردیا جائے گا۔ جے آر اراد اینڈ کنسٹرکشن پرائیوٹ لمیٹڈ نیشنل ہائی ویز اتھارٹی آف انڈیا (این ایچ اے آئی) کی مرمت کا کام کرے گا۔
ایک نوٹیفکیشن میں جنوبی کنیرا کی ڈپٹی کمشنر سندھو بی روپیش نے ضلعی پولیس اور محکمہ ٹریفک کو ہدایت کی کہ وہ پل پر چلنے والے موٹرسائیکلوں کے تحفظ کو یقینی بنانے کے لئے تمام ضروری انتظامات کریں۔
اطلاع کے مطابق کولور نئے پل پر دو طرفہ ٹریفک کی اجازت ہوگی۔ نئے پل پر صرف ہلکی گاڑیاں، 6 پہیہ والی  سامان کی گاڑیاں اورجو اڈپی اور منگلورو روٹ کے درمیان چلنے والی بسوں کو ہی اجازت ہوگی۔ نئے برج پر کنٹینر اور بلٹ ٹینکر، کرینیں، اور ٹریلرز مکمل طور پر ممنوع ہوں گے ۔
اڈوپی اور بنگلورو کے درمیان اور بنگلورو سے ایم آر پی ایل کی طرف جانے والی بھاری گاڑیاں پڈوبیڈری - کرکالا سڑک کے راستے چل سکتی ہیں۔ اڈپی سے آنے والی بھاری گاڑیاں ملکی موڈبیدری روڈ پر سفر کرسکتی ہیں اور ہیلیانگڈی سے گاڑیاں کنیگولی موڈبدری روڈ سے سورتکل  اور بچپے  کی طرف سے جاسکتی ہیں۔
ضلع جنوبی کنیرا کی  ڈپٹی کمشنر نے عہدیداروں کو پابندی کو نافذ کرنے کی ہدایت کی ہے، کیونکہ متبادل راستوں کے انتظامات کرنے کے لئے وقت کی ضرورت ہے۔ انہوں نے بیداری پیدا کرنے اور عام لوگوں کو مناسب ہدایات دینے کے بھی احکامات دیئے ہیں۔