بنگلورو 06 دسمبر 2021 (فکروخبر/ذرائع) کوویڈ مثبت معاملات میں اضافے کے درمیان پرائمری اور سیکنڈری ایجوکیشن کے وزیر بی سی ناگیش نے کہا کہ اگر ضرورت پڑی تو کرناٹک حکومت اسکولوں اور کالجوں کو بند کردے گی اور آن لائن کلاسزدوبارہ واپس شروع کرسکتی ہے۔ پیر 6 دسمبر 2021 کو ودھانا سودھا میں صحافیوں سے بات کرتے ہوئے وزیر نے کہا کہ ریاستی حکومت طلباء کی صحت پر کوئی سمجھوتہ نہیں کرے گی۔ انہوں نے کہا کہ اس وقت کوویڈ کے معاملات قابو میں ہیں، رہائشی اسکولوں میں چند کلسٹر رپورٹ ہوئے ہیں۔ کسی کو گھبرانے کی ضرورت نہیں ہے۔ انہوں نے کہا کہ اگر ضرورت پڑی تو ہم طلباء کی صحت کو مدنظر رکھتے ہوئے آف لائن کلاسز بند کر دیں گے۔ تاہم ناگیش نے برقرار رکھا کہ ماہرین کی رائے ہے کہ باقاعدہ آف لائن کلاسز کے انعقاد میں کوئی حرج نہیں ہے۔ انہوں نے مزید کہا کہ حکومت کسی بھی پریشانی سے بچنے کے لیے متبادل انتظامات کرے گی۔ امتحانات کے تعلق سے انہوں نے کہا کہ اگر ضرورت پڑی تو ہم امتحانات روک دیں گے لیکن امتحانات میں معیاری آپریٹنگ طریقہ کار کو بہت سختی سے برقرار رکھا جاتا ہے کیونکہ ہم جسمانی فاصلے کو برقرار رکھتے ہوئے بیٹھنے کے انتظامات کرتے ہیں۔انہوں نے اپنے پوری بات کے دوران اس بات پر اطمینان کا اظہار کیا کہ گھبرانے کی کوئی ضرورت نہیں ہے کیونکہ اب معاملات قابو میں ہیں۔

دی نیو انڈین ایکسریس کے ان پٹ کے ساتھ