کرونا وائرس: کرناٹک میں مال، سینما تھیٹراور یونیورسٹیاں ایک ہفتہ کے لیے بند کرنے کا اعلان

بنگلورو: 13 مارچ 2020 ( فکر وخبر/ذرائع)کرناٹک کے کالابرگی سے ملک کے پہلے کورونا وائرس کی موت کا واقعہ منظر عام پہ ر آنے  اطلاع بعد ریاستی حکومت نے جمعہ کے روز مال ، سینما تھیٹر ، پب اور نائٹ کلبوں کو ایک ہفتے کے لئے بند کرنے کا اعلان کیا ہے۔
 وزیر اعلی بی ایس یدیورپا نے بھی ایک ہفتے کے لئے ریاست بھر میں ہر طرح کی نمائشوں ، سمر کیمپوں ، کانفرنسوں ، شادیوں کے پروگراموں اور سالگرہ کی تقریبات روکنے کی ہدایت جاری کیں۔ انہوں نے نامہ نگاروں کو بتایا ، "ہم پوری ریاست میں ایک ہفتے کے لئے تمام یونیورسٹیاں بند کردیں گے۔"
یدیورپا نے کہا کہ یہ اقدامات عوامی مفاد میں اٹھائے گئے ہیں اور وہ ان سے تعاون کے خواہاں ہیں۔ وزیر اعلیٰ نے کہا کہ طبی ماہرین اور عہدیداروں سے بات چیت کے بعد یہ فیصلہ کیا گیا ہے۔ انہوں نے کہا کہ ایک ہفتہ کے بعد صورتحال کا جائزہ لینے پر  آئندہ کے لائحہ عمل کا فیصلہ کیا جائے گا۔ کوویڈ 19 کے بارے میں اپنے بلیٹن میں ، ریاستی حکومت نے کہا کہ کورونیوائرس کے لئے چھ نمونے مثبت پائے گئے ہیں ، جن میں کالابوراگی سے تعلق رکھنے والے ایک 76 سالہ شخص کی موت بھی شامل ہے