بنگلورو21 دسمبر2023 لوک سبھا انتخابات کے پیشِ نظر جے ڈی (ایس) کے بی جے پی کے ساتھ ہوئے گٹھ جوڑ کے بعد ملاقاتوں کا سلسلہ جاری ہے۔ آج سابق وزیر اعظم اور جے ڈی (ایس) کے قومی صدر ایچ ڈی دیوے گوڑا نے نئی دہلی میں وزیر اعظم نریندر مودی سے ملاقات کی۔
ذرائع نے بتایا کہ انہوں نے آئندہ لوک سبھا انتخابات کے لئے بی جے پی اور جے ڈی (ایس) سیٹ شیئرنگ اتحاد کے بارے میں حتمی بات چیت کی۔
دیوے گوڑا کے بیٹے سابق وزیر اعلیٰ اور جے ڈی (ایس) کے ریاستی صدر ایچ ڈی کمار سوامی، سابق وزیر اور ایم ایل اے ایچ ڈی ریوننا، اور پوتے جے ڈی (ایس) کے ایم پی پرجول ریوانہ، موجود تھے۔
مودی نے سوشل میڈیا پر کہا کہ سابق وزیر اعظم ایچ ڈی دیوے گوڑا جی، ایچ ڈی کمار سوامی جی اور ایچ ڈی ریونا جی سے مل کر ہمیشہ خوشی ہوتی ہے۔ ہندوستان ملک کی ترقی میں دیوے گوڑا جی کی مثالی شراکت کی بہت قدر کرتا ہے۔ متنوع پالیسی کے معاملات پر ان کے خیالات بصیرت انگیز اور مستقبل کے ہیں۔
تاہم دیوے گوڑا نے پہلے کہا تھا کہ یہ ملاقات غیر رسمی ہوگی اور اتحاد اور سیٹوں کی تقسیم کے حوالے سے کوئی بات چیت نہیں کی جائے گی۔
ذرائع نے وضاحت کی کہ جے ڈی (ایس) ریاست میں چار سے پانچ ایم پی سیٹوں پر مقابلہ کرنے کی امید کر رہی ہے اور یہ معاملہ طے ہونے والا ہے اور جلد ہی اس کا باضابطہ اعلان کیا جائے گا۔
آئی اے این ایس کے ان پٹ کے ساتھ
Share this post