:24؍ جولائی 2021(فکروخبر/ ذرائع)ضلع اترا کنڑا میں موسلادھار بارش کے بعد سیلاب میں پھنسے 155 افراد کو انڈین کوسٹ گارڈ نے ایک ہی دن میں بچالیا ہے کوسٹ گارڈ کی ریلیز کے مطابق ، بارش اور سیلاب  سے متاثرہ لوگوں کو امداد فراہم کرنے کے لئے کئی دستوں کو  الرٹ پر رکھا گیا  تھا۔

بتایا گیا کہ یہ امدادی کام  Humanitarian Assistance and Disaster Relief (HADR) کا ایک حصہ ہے جس میں سات سے نو ساحلی محافظ اہلکاروں پر مشتمل کئی  ٹیم تشکیل دی گئی تھی اور انہیں سیلاب سے متاثرہ علاقے کدرا ، اننگلیجوگ جزیرہ اور اتر کناڈا کے جزیرے کھریگوگ میں تعینات کیا گیا تھا

بیان میں مزید کہا گیا ہے کہ ایک ٹیم نے کھرےگوگ  جزیرہ   کےگاؤں سے مجموعی طور پر 90 افراد کو بچالیا جبکہ دوسری امدادی ٹیم نے ریاستی انتظامیہ کے ساتھ مل کر  بوڈوجو جزیرے سے 10 افراد کو بچایا

ڈیزاسٹر رسپانس ٹیموں (DRTs) نے دو ربڑ والی انفلاٹیبل کشتیاں ، لائف جیکٹس اور لائف بوائز کا استعمال کرتے ہوئے امدادی کام انجام دیئے۔

بیان میں کہا گیا ہے کہ صبح سویرے ہونے والے اس آپریشن میں 23 پھنسے ہوئے اہلکاروں کو بازیاب کرایا گیا ہے اور وہ امدادی کاموں میں مصروف ہیں۔

دریں اثنا ، کرناٹک ریاست قدرتی آفات کی مانیٹرنگ سنٹر (کے ایس این ڈی ایم سی) نے کہا کہ یہ پہلا موقع ہے جب ریاست میں 500 ملی میٹر سے زیادہ بارش ریکارڈ کی گئی ہے۔

22 جولائی سے 23 جولائی کے درمیان ، اترا کنڑا میں 24 گھنٹوں کے دوران 541 ملی میٹر بارش  ریکارڈ کی گئی

کے ایس این ڈی ایم سی حکام کے مطابق ، چھ اضلاع کے مجموعی طور پر 18  تعلقوں کو قابل ذکر نقصانات کی اطلاع ملی ہے۔ متعلقہ ضلعی انتظامیہ کے ذریعہ زیریں  علاقوں میں رہنے والے کل 8،733 افراد کو منتقل کیا گیا ہے۔ اتراکنڑا (3،066) ، شیوموگا (8) اور بیلگاوی (1،890) اضلاع میں کل 4،964 افراد 80 امدادی کیمپوں میں پناہ لئے ہوئے  ہیں۔