بنگلورو، 19 دسمبر 2022(فکروخبر) بیلگاوی میں کرناٹک اسمبلی کے سرمائی اجلاس آج سے شروع ہوا ۔ اجلاس کے شروع ہونے سے قبل ہی یہ خبریں گردش کررہی تھیں کہ اس دوران حلال سرٹیفکیشن سے متعلق پیش کیا جائے گا۔ اتنا ہی نہیں بلکہ یہ بل پرائیویٹ بل کے طور پر پیش کیا جائے گا۔

روی کمار نے اسے پرائیویٹ بل کے طور پر پیش کرنے کا منصوبہ بنایا تھا اور گورنر تھاور چند گہلوت کو خط لکھا تھا تاہم اب وہ اسے سرکاری بل کے طور پر پیش کرنے کی کوشش کر رہے ہیں۔

اس اقدام سے اسمبلی میں ٹریژری اور اپوزیشن بنچوں کے درمیان لفظوں کی جنگ چھڑ جائے گی۔ کانگریس نے گزشتہ بیلگاوی اجلاس کے دوران تبدیلی مذہب مخالف بل پر بی جے پی کی سخت مخالفت کی تھی اور اس بار بھی ایسے ہی مناظر متوقع ہیں۔

کونسل میں اپوزیشن لیڈر بی کے ہری پرساد نے کہا کہ ہم کونسل کے چیئرمین پر زور دیں گے کہ وہ حلال پر پرائیویٹ بل کو منظور نہ کریں۔"

کانگریس کے یو ٹی کھدر نے کہا کہ  اسمبلی میں بھی کانگریس بل کی مخالفت کے لیے تیار ہے۔ ہم بی جے پی کی حکمت عملی کو سمجھتے ہیں۔ وہ اپنی ناکامی، بدعنوانی اور ووٹروں کے ڈیٹا کی چوری جیسے مسائل سے عوام کی توجہ ہٹانا چاہتی ہے۔ مخالف حلال بل کا مقصد اسمبلی انتخابات سے قبل فرقہ وارانہ خطوط پر مبنی ووٹروں کو پولرائز کرنا ہے۔

وزیر اعلیٰ سے یہ پوچھے جانے پر کہ بی جے پی ایم ایل سی ایک پرائیویٹ ممبر بل پیش کرنے کی منصوبہ بندی کر رہی ہے جس میں مبینہ طور پر حلال سرٹیفیکیشن پر پابندی لگانے کی کوشش کی گئی ہے، بومئی نے کہا کہ آئیے دیکھتے ہیں کہ یہ کب آتا ہے؛ پرائیویٹ ممبر بل کی اپنی پوزیشن ہے۔ ہم دیکھیں گے کہ یہ کیا ہے۔