24؍جون 2024 : کالابوراگی کے پولس کمشنر چیتن آر نے پی ٹی آئی کو بتایا کہ ایرپورٹ کے ڈائرکٹر چلکا مہیش کو آج صبح ایک گمنام ID سے ایک ای میل موصول ہوا جس میں دعویٰ کیا گیا کہ ایرپورٹ کے احاطے میں دھماکہ خیز مواد نصب کیا گیا ہے۔

پولیس نے بتایا کہ کالابوراگی ہوائی اڈے کو پیر کو ای میل کے ذریعے بم کی دھمکی موصول ہوئی تھی جس کے بعد مکمل تلاشی لی گئی لیکن کوئی چیز نہیں ملی۔

انہوں نے بتایا کہ بم ڈسپوزل اور ڈاگ اسکواڈز کو فوری طور پر ہوائی اڈے کے احاطے میں تعیینات کیا گیا۔

کالابوراگی کے پولس کمشنر چیتن آر نے پی ٹی آئی کو بتایا کہ کہ جیسے ہی ہمیں کالابوراگی گھریلو ہوائی اڈے پر بم کی دھمکی کی ای میل کے بارے میں اطلاع ملی، بم ڈسپوزل اسکواڈ کو روانہ کیا گیا۔ فلائٹ (جو بنگلورو سے اتری تھی) کے تمام مسافروں کو اتار دیا گیا۔

انہوں نے کہا کہ ہوائی اڈے کے تمام عملے اور مسافروں کو محفوظ مقام پر منتقل کر دیا گیا ہے۔

گھنٹوں کی تلاشی کارروائی کے بعد پولیس نے اعلان کیا کہ یہ دھمکی ایک دھوکہ ہے کیونکہ کوئی "مشتبہ" چیز نہیں ملی۔ مہیش نے بتایا کہ بم ڈسپوزل اسکواڈ اور سیکورٹی ایجنسیوں کی طرف سے ایک مکمل تلاشی مہم چلائی گئی۔

"صبح 6.54 بجے ایک ای میل موصول ہوئی جس میں دعویٰ کیا گیا تھا کہ ٹرمینل کی عمارت کے باتھ روم میں پانچ بم رکھے گئے ہیں۔ فوری طور پر، ہم نے ریاستی طریقہ کار، بم ڈسپوزل اسکواڈ، ریاستی پولیس، مرکزی انٹیلی جنس بیورو کو الرٹ کر دیا... ہم نے بم کے خطرے کی تشخیص کی میٹنگ بھی کی۔ اور فوری طور پر ہم نے تمام مسافروں کو عمارت سے خالی کر دیا۔