بنگلورو 24 اگست2023 : جے ڈی ایس کے رکن اسمبلی آیا نور منجوناتھ کے کانگریس میں شامل ہونے پر کے پی سی سی چیف نے یہ بڑی بات کہی ہے۔

کانگریس پارٹی کوئی بس نہیں ہے جس پر آسانی سے چڑھا اور اترا جائے۔ پارٹی میں شامل ہونے والوں کو اس کی کامیابی کے لیے کام کرنا چاہیے اور پارٹی ان سے کام لے گی،۔ اس بات کا اظہار نائب وزیر اعلیٰ اور کے پی سی سی کے سربراہ ڈی کے شیوکمار نے جمعرات کو کیا۔

شیوکمار نے کہا کہ جو بھی پارٹی میں شامل ہوتے ہیں وہ اس کے نظریے اور پالیسیوں کو قبول کرتے ہیں۔

کے پی سی سی کے سربراہ نے واضح کیا کہ وہ صرف ان لوگوں کو نشانہ نہیں بنا رہے ہیں جو جمعرات کو پارٹی میں شامل ہوئے ہیں بلکہ ان تمام لوگوں پر واضح کر رہے ہیں جو مختلف وقتوں پر دوسری پارٹیوں سے شامل ہوئے ہیں۔ شیوکمار نے کہا کہ کانگریس کے تمام ارکان اور اس کے قائدین کو یاد رکھنا چاہئے کہ پارٹی انہیں ایک شناخت اور اہمیت دیتی ہے اور ان کے تعاون کا احترام کرتی ہے۔

کے پی سی سی کے سربراہ نے کہا کہ آیانور منجوناتھ کانگریس میں شامل ہوئے تھے اور پھر بی جے پی اور بعد میں جے ڈی (ایس) میں شامل ہوئے۔ کانگریس سے محبت نے انہیں واپس آنے پر مجبور کیا ہے۔ جس طرح تمام دریا سمندر میں مل جاتے ہیں اسی طرح تمام سیاسی کارکن پارٹی میں شامل ہو جاتے ہیں۔ کانگریس ایک بڑے سمندر کی مانند ہے۔ یہ تمام دریاؤں کا پانی قبول کرتا ہے۔