صدر جمعیت علماء تمل ناڈو بحیثیت مہمانِ خصوصی کریں گے شرکت 

بھٹکل 10/ مارچ 2020(فکروخبرنیوز)  جامعہ اسلامیہ بھٹکل سے امسال الحمدللہ پینتیس (35) طلباء حفظ کلام پاک کی سعادت حاصل کی ہے۔ ان حافظ کے اعزاز میں ان شاء اللہ مؤرخہ 15رجب المرجب 1441؁ھ مطابق 11/ مارچ 2020؁ء بروز بدھ بعد نمازِ عشاء ٹھیک نو بجے جامعہ اسلامیہ جامعہ آباد بھٹکل کی مسجد کے احاطہ میں ایک اجلاس رکھا گیا ہے جس میں ان حفاظ کرام کے حفظ کی تکمیل کی جائے گی۔ 
    اس موقع پر بطورِ مہمانِ خصوصی مولانا مفتی سبیل احمد خان صاحب مدظلہ العالی (صدر جمعیت علماء تمل ناڈو، خلیفہ فقیہ الامت حضرت مولانا مفتی محمود حسن صاحب گنگوہیؒ) تشریف لائیں گے۔ 
    تمام حضرا ت سے ان حفاظ کی حوصلہ افزائی اور مہمانِ خصوصی کے بیان سے مستفید ہونے کے لیے شرکت کی گذارش کی گئی ہے۔