جامعہ اسلامیہ بھٹکل کے طلباء اعلیٰ تعلیم کے حصول کے لیے دار العلوم ندوۃ العلماء کے لیے روانہ

اس موقع پر مہتمم جامعہ اسلامیہ مولانا مقبول احمد کوبٹے ندوی نے طلباء سے سفر کے آداب ملحوظ رکھنے کی نصیحت کرتے ہوئے کہا کہ آپ ایک اچھے مقصد کی تکمیل کے لیے روانہ ہورہے ہیں لہذا اب آپ کی ذمہ داری بڑھ گئی ہے، او رجس مقصد کے لیے آپ سفر کررہے ہیں پہلے نمبر پر آپ اپنے مقصد کی تکمیل کے لیے کوششیں کرتے رہیں۔ مولانا نے کہا کہ جہاں آپ جارہے ہیں وہ ادارہ مشہور ادارہ ہے جہاں مختلف ملکوں اور شہروں کے طلباء تعلیم حاصل کرتے ہیں ، ان کے درمیان آپ کو اپنے اعلیٰ اخلاق اور کردار کا مظاہرہ کرنا ہے اور جس ادارہ کی نسبت سے جارہے ہیں اس کی نسبت کا بھی پاس ولحاظ رکھنا ضروری ہے جبکہ مولانا خواجہ معین الدین اکرمی ندوی نے دعائیہ کلمات کے ساتھ طلباء کو رخصت کیا ،واضح رہے کہ ہر سال بھٹکل سے پچاس سے زائد طلباء جامعہ اسلامیہ بھٹکل میں اپنی عا لمیت کی تکمیل کے بعد اعلیٰ تعلیم کے حصول کے لیے دار العلوم ندوۃ العلماء کے لیے روانہ ہوتے ہیں ۔