بنگلورو21 اپریل 2022(فکرو خبر نیوز/ذرائع) کے پی سی سی کے سربراہ ڈی کے شیوکمار نے آج جمعرات  کو کہا کہ پبلی میں بی جے پی  تشدد بھڑکانے کے لیے بنیادی طور پر ذمہ دار تھی۔
بنگلورو میں میڈیا کے نمائندوں سے بات کرتے ہوئے انہوں نے مطالبہ کیا کہ ہبلی میں پرتشدد واقعات میں بی جے پی قائدین کے رول کی غیر جانبداری سے جانچ ہونی چاہئے۔
انہوں نے دعویٰ کیا کہ پولس نے کانگریس قائدین سے صورتحال پر قابو پانے میں مدد کی اپیل کی تھی جب کچھ سماج دشمن عناصر نے گڑبڑ پیدا کرنے کی کوشش کی۔ ضلع کانگریس کے سربراہ الطاف کو پتھراؤ میں چوٹیں آئیں اور ان کا ہاتھ ٹوٹ گیا۔
 وزیر محصول آر اشوک اور سابق وزیر اعلیٰ بی ایس یدی یورپا نے شہر میں حالات معمول پر لانے کی کوئی کوشش کی؟ اس کے بجائے وہ اب کانگریس پر الزام لگا رہے ہیں اور بے بنیاد الزامات لگا رہے ہیں، انہوں نے کہا اور خبردار کیا کہ ایسی کوششیں کامیاب نہیں ہوں گی۔
کے پی سی سی کے سربراہ نے باس کی وضاحت کی کہ کانگریس پارٹی کا ہبلی تشدد سے کوئی لینا دینا نہیں ہے اور اس نے صورتحال پر قابو پانے میں مدد کرنے کی پوری کوشش کی ہے۔
شیوکمار نے کہا کہ حکومت اور حکمراں پارٹی اپوزیشن جماعتوں پر منفی تشہیر سے عوام کی توجہ ہٹانے اور 40 فیصد کمیشن اسکینڈل پر اس کی شبیہ کو خراب کرنے کا الزام لگا رہی ہے۔