:08نومبر2022(فکروخبر/ذرائع)کرناٹک کانگریس کے لیڈر اور سابق وزیر ستیش لکشمن راؤ جارکی ہولی نے یہ دعویٰ کرتے ہوئے ایک تنازعہ کھڑا کر دیا  ہے کہ لفظ 'ہندو' فارسی لفظ  ہے اور اس کےمعنی 'بہت ہی شرمناک ہے ۔

اس بیان کے بعد اب بی جے پی رہنما ان کے اس بیان کو سوشل میڈیا پر شیئر کراسے ہندووں کی تذلیل قراردیتے ہوئے اس پر ہنگامہ برپا کررہے ہیں ،اور اس سے کانگریس بھی پریشان نظر آرہی ہے ، اور اب کانگریس جنرل سکریٹری اور راجیہ سبھا ممبر رندیپ سرجے والا نے بھی اس بیان کی  مذمت کرتے ہوئے اسے ان کا اپنا موقف قرادیا ، ۔ رندیپ نے ٹویٹر پر کہا، "ہندو ازم ایک طرز زندگی اور ایک تہذیبی حقیقت ہے۔ کانگریس نے ہمیشہ ہر مذہب اور عقیدے کا احترام کیا ہے ۔ یہ ہندوستان کا جوہر ہے،" سرجے والا نے مزید کہا، "ستیش جارکی ہولی سے منسوب بیان انتہائی افسوسناک ہے اور مسترد کیے جانے کا مستحق ہے۔ ہم اس کی واضح طور پر مذمت کرتے ہیں،

ستیش جارکی ہولی کی تقریر کا ویڈیو بی جے پی بڑے پیمانے پر شیئر کررہی ہے  تاکہ کانگریس لیڈر کے بیان پر تنقید کی جا سکے۔ بی جے پی کے سینئر لیڈر شہزاد پونا والا نے ٹویٹر پر جارکی ہولی کے تبصرے کی مذمت کی اور کہا کہ ویڈیو ہندوؤں کو اکساتی اور ان کی توہین کرتی ہے۔

وہیں وزیراعلی بساوراج بومئی اور سابق وزیراعلی یڈی یورپا نے بھی کانگریس رہنما کے بیان کی شدیدمذمت کی ہے۔

میڈیا سے خطاب کرتے ہوئے یدیورپا نے کہا، ''ہندوؤں کے جذبات کو ٹھیس پہنچانا قابل مذمت ہے۔ یہاں تک کہ کانگریس قائدین نے ستیش جارکی ہولی کے بیان کی مذمت کی ہے۔ ستیش جارکی ہولی کو کرناٹک کے لوگوں سے معافی مانگنی چاہیے۔ اگر وہ یہ سمجھتا ہے کہ وہ نچھلی سطح کی زبان استعمال کر عظیم بن جائے گا تو یہ محض ایک وہم ہے۔

لفظ ہندو پر ستیش جارکی ہولی کے تضحیک آمیز بیان پر بات کرتے ہوئے، وزیراعلی بساوراج بومئی نے کہا، “ستیش جارکی ہولی آدھے پڑھے لکھے آدمی ہیں۔ اس نے بغیر کسی گہرے علم کے بات کی ہے۔ وہ اس وہم میں مبتلا ہے کہ اسے اقلیتوں کا ووٹ مل جائے گا۔ ان کے بیان سے ہندوستان میں مذہبی جذبات مجروح ہوئے ہیں۔

دریں اثنا، جارکی ہولی نے ایک ویڈیو جاری کیا ہے اور واضح کیا ہے کہ انہوں نے کسی مذہب یا زبان کی توہین نہیں کی ہے۔ انہوں نے کہا کہ یہ سچ ہے کہ میں نے ذکر کیا کہ لفظ "ہندو" فارسی زبان کا ہے۔ میں نے اس پر مکمل بحث کا مطالبہ کیا ہے۔

کانگریس لیڈر نے کہا، ’’ایسے ریکارڈ دستیاب ہیں جو ظاہر کرتے ہیں کہ لفظ ہندو کے مختلف معنی ہیں۔

"میں ہندو، فارسی، اسلام، جین اور بدھ مت کی سرحدوں کو مٹا کر اپنا کام کر رہا ہوں۔ ہمیں ذات پات اور مذہب سے اوپر اٹھناچاہئے ۔ اس پس منظر میں میں نے جو کچھ کہا اس میں کچھ غلط نہیں،" انہوں نے وضاحت کی۔

جارکی ہولی نے کہا کہ یہاں فارسی الفاظ کے حوالے سے سینکڑوں ریکارڈ موجود ہیں، انہوں نے مزید کہا کہ خبروں پر اس طرح بات کی جا رہی ہے جس طرح یوکرین اور روس کی جنگ کے بارے میں بات کرنے کی ضرورت نہیں ہے۔ جب بات ہندومت کے حوالے سے آتی ہے تو چیزوں کو سنسنی خیز بنانا غلط ہے۔