بنگلورو، 27 جون 2020(فکروخبرنیوز/ذرائع) کرناٹک میں ایس ایس ایل سی امتحانات دینے والے ایک طالب علم میں کورونا وائرس کی تصدیق ہوئی ہے۔ طالب علم نے ضلع ہاسن کے ارکلگڈ میں  وائرس کے ٹیسٹ ہونے کے باوجود ہفتہ کو اپنا دوسرا امتحان لکھا۔
کمشنر پبلک انسٹرکشن کے جی جگدیش نے ٹی این ایم سے تصدیق کی کہ ہفتہ کے روز طالب علم کو کورونا کی تصدیق ہوئی ۔ انہوں نے مزید  بتایا کہ کورونا وائرس کی تصدیق ہونے کے باوجود طالب علم ہفتہ نے نظام الاوقات کےتحت اپنا دوسرا امتحان لکھنے کے لئے امتحانی مرکز کا رخ کیا۔ اس کا امتحان لکھنے سے فارغ ہونے کے فورا بعد ہی طالب علم کے مثبت نتائج برآمد ہوئے ۔کمشنر آف پبلک انسٹرکشن نے کہا، کہ محکمہ تعلیم فی الحال اس واقعے کے بارے میں ایک رپورٹ تیار کر رہا ہے اور اس کی جانچ کرے گا کہ آیا COVID-19 مثبت طالب علم امتحانی سنٹر میں دوسرے طلباء کے ساتھ رابطے میں آیا تھا یا نہیں۔

واضح رہے کہ کرناٹک کے محکمہ تعلیم نے طلباء کے بعض والدین اور کارکنوں کی جانب سے اعتراضات کے باوجود ایس ایس ایل سی کے امتحانات منعقد کئے ہیں۔ امتحان ہالوں میں طلباء سے ماسک پہننے اور دوری برقرار رکھنے کو کہا گیا تھا۔ درجہ حرارت کی جانچ پڑتال امتحانی مراکز پر کی گئی۔   طویل عرصے سے لاک ڈاؤن کے دوران اپنے آبائی شہر شفٹ ہونے والے طلباء کو قریبی مرکز سے امتحانات لکھنے کی اجازت مل گئی ہے۔جبکہ تمل ناڈو اور تلنگانہ جیسی ریاستوں نے اس سال اپنے بورڈ امتحانات منسوخ کرنے کا فیصلہ کیا، کرناٹک نے اپنی جگہ پر کچھ پابندیوں کے ساتھ آگے بڑھنے کا فیصلہ کیا۔ ریاستی حکومت نے امتحانات کے رہنما اصولوں کے معیاری آپریٹنگ طریقہ کار (ایس او پیز) کو ہائی کورٹ اور سپریم کورٹ کو پیش کیا تاکہ یہ یقینی بنایا جا سکے کہ امتحانات کے انعقاد میں کوئی قانونی رکاوٹیں نہیں ہیں۔سی بی ایس ای اورآئی سی ایس ای کے کلاس 10 اور 12 طلباء کے امتحانات منسوخ کردیئے گئے ہیں۔

ذرائع : دی نیوزمنٹ کے ان پٹ کے ساتھ