بنگلور:29جولائی2019(فکروخبر/ذرائع)کرناٹک کے نومنتخب وزیراعلی بی ایس یدورپا فلور ٹیسٹ میں کامیابی حاصل کر لی ہے۔اس کے بعد بعد اسمبلی کے اسپیکر کے آر رمیش نے اپنے عہدے سے استعفی دے دیا ہے۔ اس سے قبل وزیراعلی بی ایس یدی یورپا نے اسپیکر سے خواہش کی تھی کہ وہ تحریک اعتماد کی نگرانی کریں۔اب کرناٹک کی نئی حکومت دوسرے اسپیکر کا انتخاب کرے گی۔
خیال رہے کہ کرناٹک کے سیاسی ڈرامہ میں اسپیکر آر رمیش کمارتوجہ کا مرکز بنے ہوئے تھے
گزشتہ روز کرناٹک اسمبلی کے اسپیکر کے آر رمیش نے کانگریس ۔ جے ڈی ایس اتحاد کے مزید 14 اراکین اسمبلی کو نا اہل قرار دے دیا تھا۔16 اراکین کو نااہل قرار دینے کے بعد کرناٹک اسمبلی کے اراکین کی تعداد 210 رہ گئی تھی جبکہ بی جے پی کے پاس 105 اراکین اسمبلی ہی اور ایک آزاد رکن اسمبلی کی بھی انہیں حمایت حاصل تھی۔
Share this post