بنگلورو 31 مارچ 2022( فکرو خبر نیوز/ذرائع)  عوامی نمائندوں کے لئے خصوصی عدالت نے دیہی ترقی اور پنچایت راج کے وزیر کے ایس ایشورپا کے خلاف جانچ کرنے کا حکم دیا ہے۔ اس نے شیوموگا کے ڈوڈاپیٹ اسٹیشن کے پولیس اہلکاروں سے تحقیقات کرنے اور رپورٹ درج کرنے کو کہا ہے۔
ایشورپا پر بجرنگ دل کے کارکن ہرشا کے قتل کے بارے میں تبصرہ کرتے ہوئے اشتعال انگیز بیان جاری کرنے کا الزام ہے۔ عدالت میں وزیر کے خلاف نجی شکایت درج کرائی گئی تھی۔ عرضی گزار نے ایشورپا اور شیو موگا سٹی کارپوریٹر چناباسپا پر مذکورہ قتل کے بعد اشتعال انگیز بیان جاری کرنے کا الزام لگایا تھا۔ ان پر مسلمانوں کے غنڈوں کو نہ بخشنے اور انہیں کچلنے جیسی دھمکیاں دینے کا الزام لگایا گیا تھا۔ یہ کہا گیا کہ اس بیان کی وجہ سے شیو موگا میں گڑبڑ ہوئی اور اس لیے عدالت سے کہا کہ شیموگا پولیس کو ہدایت دی جائے کہ وہ متعلقہ کے خلاف پہلی معلوماتی رپورٹ درج کرے۔