بنگلورو12 جنوری 2022 (فکروخبرنیوز/ذرائع)  ریاستی حکومت نے دیہی علاقوں کے طلباء کے لیے کورس کو آسان بنانے کے ایک نئے آئیڈیا کے ساتھ کنڑ میڈیم میں انجینئرنگ  کے کلاسس شروع کی تھی۔ تاہم ایک طالب علم نے بھی اس کورس کا انتخاب نہیں کیا۔

اس حکم کے بعد، حکومت نے ریاست بھر کے کالجوں سے کنڑ انجینئرنگ کورسز میں داخلوں کی رپورٹ بھی 31 دسمبر 2021 تک طلب کی تھی، جو ڈگری میں شامل ہونے کی آخری تاریخ تھی۔ لیکن اس کی سراسر مایوسی کی بات یہ ہے کہ کنڑ میڈیم میں انجینئرنگ کورس کی تمام 23001 سیٹیں خالی پڑی ہیں۔

قومی تعلیمی پالیسی (NEP) کے ایک حصے کے طور پر انجینئرنگ کو علاقائی زبانوں میں 2021-22 کے تعلیمی سال سے متعارف کرایا گیا تھا۔ مجموعی طور پر ریاست کے تین کالجوں نے کنڑ میڈیم میں انجینئرنگ کے طلبہ کے لیے سیٹیں مخصوص کی ہیں۔ اگرچہ پہلے راؤنڈ کاؤنسلنگ کے دوران کچھ طلباء نے دلچسپی ظاہر کی لیکن کوئی بھی شامل نہیں ہوا۔