کرناٹک: ڈپٹی کمشنر دفترکے سامنے احتجاج کے دوران اذاں دینے کے معاملے میں نوجوان سے تفتیش

بنگلورو19؍ مارچ 2023 (فکروخبرنیوز) کرناٹک کے شیواموگہ کی پولیس نے ایک مسلم نوجوان سے پوچھ تاچھ کی ہے جس نے دو دن قبل ڈپٹی کمشنر کے دفتر کے سامنے احتجاج کے دوران اذان دی تھی ۔

ایک مسلم تنظیم نے سابق وزیراور بی جے پی رکن اسمبلی کے ایس ایشورپا کے مخالف اذاں بیان کے خلاف 17مارچ کو ڈپٹی کمشنر وضلع مجسٹریٹ کے دفتر کے سامنے احتجاج کیا تھا۔

دوران احتجاج ایک نوجوان نے اذاں دی تھی جس کا ویڈیو سوشیل میڈیا پر آگیا۔ کہاجاتا ہے کہ احتجاجیوں نے ودھان سودھا کے سامنے بھی اذاں دینے کی دھمکی دی تھی۔