منگلورو 07 مارچ 2021(فکروخبرنیوز/ذرائع) دبئی ایرپورٹ سے بذریعہ اسپائس جیٹ منگلورو پہنچنے والے خاتون  کے بیگ سے کچھ قیمتی اشیاء غائب ہونے کا واقعہ پیش آیا ہے جس کے بعد مسافروں میں اس تعلق سے تشویش پیدا ہوگئی ہے۔ 
 تفصیلات کے مطابق  یہاں کوڈیا بیل کی رہائشی ناظمہ تبسم اشرف 21 فروری کو شام 6 بجکر 55 منٹ پر اسپائس جیٹ کی پرواز ایس جی 146 پر سوار ہوئیں اور 22 فروری کی صبح تقریبا 1.45 بجے منگلورو بین الاقوامی ہوائی اڈے پر اتری۔ جب وہ  ایئرپورٹ پہنچی تو وہ ساتھیوں کے ہمراہ امیگریشن کے موقع پر بتایا گیا تھا کہ اسپائیس جیٹ عملے کے ذریعہ سامان دو دن میں ان کے پتوں پر پہنچا دیا جائے گا، کیونکہ فلائٹ اپنی صلاحیت سے زیادہ سامان نہیں لے سکتی ہے۔
مذکورہ خاتون نے ڈائجی ورلڈ کو بتایا کہ 23 فروری کی صبح تقریبا 9.30 بجے نجمہ نے اپنا سامان وصول کیا، جو اس کے دروازے پر پہنچایا گیا تھا۔  سامان پہنچانے والے عملے نے سامان چیک کرنے کے لئے اس کا انتظار نہیں کیا۔ "مجھے یہ دیکھ کر حیرت کا سامنا کرنا پڑا کہ میرا قیمتی سامان۔ ایک لاکھ روپے مالیت کا ایک سیمسنگ موبائل فون، ایک ایپل کی کلائی گھڑی اور میرے سوٹ کیس سے بہت سارے مہنگے چاکلیٹ غائب تھے۔ میں فوری طور پر ائیرپورٹ پہنچ گئی   تاکہ اس بارے میں شکایت درج کروں کہ  میری بیگ سے قیمتی سامان غائب ہے جبکہ وہ اسپائس جیٹ کے قبضہ میں تھی۔ 
ایم آئی اے میں اسپائس جیٹ کاؤنٹر کی خاتون نے یقین دلایا کہ وہ 3 سے 4 دن کے اندر اندر اس سے واپس آجائیں گی۔ دریں اثنا اس نے سپائس جیٹ کے ذمہ داروں سے بھی  گمشدہ قیمتی سامان کے بارے میں ای میل کے ذریعے بھی شکایت درج کروائی۔ اس کی میل کے جواب میں اسپائس جیٹ نے پیش آنے والی تکلیف پر معذرت کرلی، لیکن یہ کہتے ہوئے کہ یہ 'نایاب' معاملہ ہے، اس نے ذمہ داری قبول کرنے سے انکار کردیا۔
نجمہ نے مزید بتایا کہ میرا سامان نامناسب طریقے سے پہنچایا گیا تھا۔ جب مجھے بیگ ملا تو پتہ چلا کہ اس میں چھیڑ چھاڑ ہوئی ہے۔میں گذشتہ 25 سالوں سے متحدہ عرب امارات سے سفر کررہی ہوں اور میرے ساتھ اس طرح کا کوئی واقعہ اب تک پیش نہیں آیا تھا، انہوں نے  ایئرپورٹ حکام سے درخواست کی ہے وہ سامان کو ڈھونڈ نکالیں اور ملزمین کے خلاف سخت کارروائی کریں۔ انہوں نے معاوضہ دئیے جانے کا بھی مطالبہ کیا گیا ہے۔ 
"میں نے اسپائس جیٹ اور ہوائی اڈے کے حکام (اڈانی گروپ) کے خلاف بھی شکایت درج کروائی ہے۔ میں ضلعی صارف تنازعات کے ازالے کے فورم میں بھی مقدمہ درج کروں گی۔ میں ہر تین ماہ بعد منگلورو آتی ہوں لیکن کبھی ایسا نہیں ہوا۔  انہوں نے مزید کہا میں نے دنیا بھر کا سفر کیا ہے، میں نے کبھی بھی ایسی مشکلات کا سامنا نہیں کیا۔
اسپائس جیٹ کے اس جواب پر کہ مسافروں کو لازمی طور پر اپنے چیک ان سامان سے تمام قیمتی سامان نکال کر اپنے سامان میں رکھنا چاہئے، نجمہ نے کہا، "اگرچہ میں نے ان کو چیک ان سامان میں رکھا تھا، تو یہ کنویر بیلٹ سے ہوتا ہے، اسکین سے گزرتا ہے۔ اگر انہیں کوئی الیکٹرانک چیزیں نظر آئیں تو انہیں مجھ سے کہنا چاہیے تھا کہ اسے ہٹادیں،اسپائس جیٹ عملہ جو کاؤنٹر پر تھا اور جس نے میرا سامان اسکین کیا اس نے مجھے کیوں نہیں بتایا؟ یہ ان کا فرض ہے کہ ان معاملات پر مسافروں کو آگاہ کریں۔