بنگلورو 6 ستمبر2023 (آئی اے این ایس) کرناٹک کی سابق حکمراں بی جے پی کی پریشانیوں کا سلسلہ جاری ہے کیونکہ ڈپٹی چیف منسٹر ڈی کے شیوکمار بدھ کو مرکزی کرناٹک سے پارٹی کے ممتاز لیڈر اور سابق ایم ایل اے پورنیما سری نواس کی رہائش گاہ پر گئے۔
یاد رہے کہ بی جے پی کے سینئر لیڈر اور مرکزی وزیر اننت کمار کی اہلیہ تیجسوینی اننت کمار نے بھی حال ہی میں شیوکمار سے ملاقات کی تھی۔
آج ہوئی ملاقات کے بعد نامہ نگاروں سے بات کرتے ہوئے شیوکمار نے 'آپریشن ہسٹ' پر سوالات کا جواب دیتے ہوئے کہا کہ "ہم کوئی آپریشن نہیں کریں گے، ہم تعاون کریں گے"۔
سری نواس کے والد کرشنپا کانگریس حکومت میں وزیر تھے۔ ڈی کے شیوا کمار ن کہا کہ اس کے والد ہمارے رہنما تھے۔ میں نے اس کے ساتھ سیاست پر بات نہیں کی۔
پورنیما سری نواس نے کہا کہ انہیں کانگریس میں شامل ہونے کا دعوت نامہ ملا ہے لیکن میں بی جے پی میں ہوں اور پارٹی چھوڑنے کے بارے میں نہیں سوچا ہے۔ یہ بحث اسمبلی انتخابات کے بعد سے ہے۔ میں نے کبھی بی جے پی چھوڑنے کی بات نہیں کی۔
"ابھی میں بی جے پی چھوڑنے کے بارے میں نہیں سوچ رہی ہوں۔ اگر میں ایسا فیصلہ کرتی ہوں تو میں ایک اعلان کروں گی اور سب کو اپنے فیصلے کے بارے میں بتاؤں گی۔
ذرائع کا کہنا ہے کہ پورنیما سری نواس اور تیجسوینی اننت کمار دونوں پارٹی میں اپنے ساتھ کئے گئے سلوک سے خوش نہیں ہیں۔
تیجسوینی کی بیٹی نے سابق وزیر اعلیٰ ایچ ڈی کمار سوامی کی اس وقت کی بی جے پی حکومت کی بہت زیادہ ستائش کی تھی۔
دریں اثنا کانگریس لیڈر اور سابق سی ایم جگدیش شیٹر کے بھائی، بی جے پی ایم ایل سی پردیپ شیٹر نے کھل کر کہا تھا کہ حالات لنگایت برادری کو بی جے پی سے الگ ہونے پر مجبور کر رہے ہیں اور لنگایت برادری کے زیادہ تر لیڈر جلد ہی پارٹی سے باہر ہو جائیں گے۔
انہوں نے کہا کہ سابق وزراء شنکر پاٹل مونین کوپا، جے سی مدھسوامی، ایم پی رینوکاچاریہ اور سابق ایم ایل اے ایس آئی چکنا گودر جلد ہی بی جے پی چھوڑ دیں گے۔
Share this post