بنگلورو23 نومبر 2020 (فکروخبر نیوز/ ذرائع)  COVID-19 ٹیکنیکل ایڈوائزری کمیٹی نے دسمبر میں کرناٹک میں اسکول دوبارہ نہ کھولنے کی سفارش کی ہے۔ تاہم ریاستی حکومت نے ابھی اس معاملے پر کوئی جواب نہیں دیا ہے۔ کوویڈ 19 وبائی بیماری کے سبب ریاست کے اسکول مارچ سے بند ہیں۔اتوار کو ایم کے سدرشن کی سربراہی میں کمیٹی کا اجلاس ہوا اور اس نتیجے پر پہنچا کہ کوویڈ 19 کے کیسوں کی تعداد کو قابو میں رکھنے سے پہلے ریاست میں اسکول دوبارہ کھولنا مناسب نہیں ہے۔ وزیر اعلی بی ایس یدیورپا نے پیر کے روز ابتدائی اور ثانوی وزیر تعلیم ایس سریش کمار اور محکمہ کے عہدیداروں سے ملاقات کی ہے۔امکان ہے کہ ابتدائی اور ثانوی تعلیم کا محکمہ جلد ہی دس اور بارہ کلاس کے طلباء کے لئے جلد ہی اسکولوں کے دوبارہ آغاز کے لئے پیش رفت کرے گا۔ اگرچہ بیشتر نجی اسکولوں نے طلبہ کے لئے آن لائن کلاسز کا آغاز کردیا ہے، اس وبائی امراض کے دوران سرکاری اور امداد یافتہ اسکولوں سے تعلق رکھنے والے طلباء کے لیے تعلیم متأثر ہوچکی ہے ۔ ریاستی حکومت نے ودیاگاما پروگرام شروع کیا تھا جہاں اساتذہ سرکاری اسکولوں سے آنے والے طلباء و طالبات کے محلوں میں جاکر تعلیمی سلسلہ کو جاری رکھے ہوئے تھے۔ اس پروگرام کو بھی اکتوبر میں اس خبر کے بعد روک دیا گیا تھا کہ ان کلاسوں میں پڑھنے والے طلبا کو وائرس کا مرض لاحق ہوگیا تھا۔

بشکریہ: دی ہندو