داونگیرے 13؍اپریل 2024: بی جے پی کے سابق ایم ایل اے اور آر ایس ایس لیڈر ٹی گروسیدنا گوڑا نے داونگیرے میں کانگریس میں شامل ہوکر ایک اہم سیاسی تبدیلی کی ہے۔ یہ اقدام بی جے پی کے اندر بڑھتے ہوئے اختلاف کے درمیان سامنے آیا ہے، خاص طور پر اس خطے میں آئندہ لوک سبھا انتخابات کے لیے ٹکٹوں کی تقسیم کو لے کر اختلافات کے بعد یہ خبر منظر عام پر ٓ:ی ہے۔

گوڑا اس سے قبل جگلورو اسمبلی حلقہ کے ایم ایل اے کے طور پر خدمات انجام دے چکے ہیں، انہوں نے بی جے پی کے فیصلہ سازی کے عمل سے، خاص طور پر ٹکٹوں کی تقسیم سے متعلق عدم اطمینان کا اظہار کیا۔ اپنے بیٹے ڈاکٹر روی کمار کو لوک سبھا انتخابات کے لیے بی جے پی کا ٹکٹ حاصل کرنے کی وکالت کرنے کے باوجود ان کے مطالبات پورے نہیں کیے گئے، جس کی وجہ سے انہیں پارٹی سے مایوسی ہاتھ لگی۔
گوڑا نے کہا کہ ایم پی سدیشور ایک آمر کی طرح کام کر رہے ہیں۔ یدی یورپا کے جے پی کے مزاج سے باہر نہیں ہیں۔ میں ان کے رویے سے تنگ آ گیا ہوں۔ اس لیے میں نے بی جے پی چھوڑ کر کانگریس میں شمولیت اختیار کی ہے۔