بنگلورو، 19 مارچ 2020 [فک / نیوز ذرائع]: کرناٹک کی کابینہ نے ریاست میں کورونا وائرس کے پھیلاؤ سے نمٹنے کے لئے 200 کروڑ روپے مختص کرنے کا فیصلہ کیا ہے، یہ بات بدھ کو وزیر اعلی یدیورپا نے بتائی۔انہوں نے کابینہ کے خصوصی اجلاس کے بعد قانون ساز اسمبلی میں COVID-19 کے اثرات پر تبادلہ خیال کرنے کا اعلان کیا۔ ریاست بھر میں پابندیوں کو 31 مارچ تک بڑھانے کا بھی فیصلہ کیا گیا۔کابینہ نے میڈیکل ایجوکیشن کے وزیر سدھاکر کے، ڈپٹی چیف منسٹر اشوتھ نارائن سی این، وزیر داخلہ باسوراج بومائی، اور وزیر صحت بی سریرامولو پر مشتمل ٹاسک فورس تشکیل دینے کا فیصلہ بھی کیا۔چیف سکریٹری ٹی ایم وجئے بھاسکر ٹاسک فورس کے ممبر کے طور پر کام کریں گے، جس کی سربراہی سریرامولو کریں گے۔عہدیداروں نے بتایا کہ ٹاسک فورس روزانہ ملاقات کرتی، پھیلنے سے متعلق رپورٹس اور وائرس کے پھیلاؤ پر قابو پانے کے اقدامات کا جائزہ لے گی۔یدیورپا نے کہا، "فوری اخراجات کے لئے (وائرس کے پھیلاؤ پر قابو پانے کے لئے)، تقریبا 200 کروڑ روپے رکھے جائیں گے۔"وزیراعلیٰ نے کہا کہ بین الاقوامی پروازوں کے ذریعے آنے والے تمام مسافروں کی جانچ کی جائے گیاور 15 تا 16 دن تک انہیں باہر نکنے سے سختی سے منع کیا جائے گا۔ انہوں نے کہا: "عوامی تقاریب اور پروگراموں کا انعقاد نہیں ہونا چاہئے، میلوں، شادیوں اور دیگر تقریبات محدود طریقہ پر ہوں۔ انہوں نے وضاحت کرتے ہوئے کہا کہ بڑے پیمانے پر کوئی پروگرام نہیں ہونا چاہئے۔