یکم جون 2024 : اسمبلی انتخابات سے قبل کنگریس نے بی جے پی کو چالیس فیصد کمیشن کے الزامات میں گھیر لیا تھا اور عوامی جگہوں پر اس کے تعلق سے کیو آر کوڈ بھی چسپاں کیے تھے۔

بی جے پی نے اپنی شکایت میں کانگریس پر اس وقت کی بی جے پی حکومت کے خلاف ہتک آمیز مہم چلانے کا الزام لگایا ہے۔

بنگلورو میں عوامی نمائندوں کے لیے خصوصی عدالت نے اس معاملے کے سلسلے میں کرناٹک کے وزیر اعلیٰ سدارامیا اور ان کے نائب ڈی کے شیوکمار کو بھی ضمانت دے دی جبکہ سدارامیا اور شیوکمار بنگلور کی عدالت میں ذاتی طور پر پیش ہوئے، گاندھی، جنہیں بھی پیش ہونا تھا، حاضر نہیں ہوئے۔

اس پر بی جے پی نے اعتراض اٹھایا کہ گاندھی کو سی آر پی سی 205 کے تحت چھوٹ نہیں دی جانی چاہئے کیونکہ وہ دوسری بار حاضر نہیں ہوئے تھے۔

لیکن کانگریس نے دلیل دی تھی کہ گاندھی نئی دہلی میں انڈیا بلاک میٹنگ میں شرکت کر رہے تھے اور وہ لوک سبھا انتخابات میں بھی مد مقابل تھے اور انہوں نے عدالت سے ہفتہ کی سماعت سے استثنیٰ کی درخواست کی۔ انہوں نے یہ بھی وعدہ کیا کہ کانگریس لیڈر اگلی تاریخ کو حاضر ہوں گے۔

عدالت نے گاندھی کو استثنیٰ دیا اور انہیں 7 جون کو عدالت میں حاضر ہونے کی ہدایت دی۔