بنگال میں ممتا نے مورتی وسرجن کے ایام میں لائی تبدیلی

ممتا بنرجی نے ٹوئیٹ کرتے ہوئے لکھا ہے کہ اس سال درگا پوجا اور محرم ایک ہی دن ہورہا ہے ۔اس لیے مورتی وسرجن یکم اکتوبر کے بجائے 2،3اور 4اکتوبر کو ہوں گے ۔اس سے قبل وزیرا علیٰ ممتا بنرجی نے حکم نامہ جاری کرتے ہوئے دشمی کے موقع پر مورتی وسرجن پر پابندی عاید کردی ہے ۔دشمی یکم اکتوبر ہے۔ ممتا بنرجی نے ایک بیان میں کہا ہے کہ دشمی (30ستمبر)کے موقع پریکم اکتوبر تک مورتی وسرجن نہیں ہوگی ۔کیوں کہ اسی دن محرم ہے اور مورتی بھسان 2اکتوبر کو ہوگی۔ گزشتہ سال بھی ممتا بنرجی نے اسی طرح کی ہدایت جاری کی تھی مگر کلکتہ ہائی کورٹ نے اس پر روک لگادی تھی۔وزیر اعلیٰ ممتا بنرجی کے فیصلے پر سخت اعتراض کرتے ہوئے کہا ہے کہ ممتا بنرجی ہندو اور مسلمانوں کے درمیان تقسیم کرنے کی کوشش کررہی ہیں ۔ بی جے پی کے جنرل سکریٹری راہل سنہا نے کہا کہ وہ اس فیصلے کے خلاف کلکتہ ہائی کورٹ سے رجوع کریں گے ۔ انہوں نے کہا کہ گزشتہ سال بھی ممتا بنرجی کی حکومت نے اس طرح کی ہدایات دی تھیں جس پر عدالت نے روک لگا دی تھی ۔راہل سنہا نے کہا کہ ممتا بنرجی لا اینڈر آرڈر کے قیام پر توجہ دینے کے بجائے مذہبی سیاست کررہی ہیں ۔