28 اگست 2020 (فکر وخبر نیوز/پریس ریلیز) بروز جمعرات رات 9:30 بجے بھٹکل کمیونٹی ہال جدہ میں جماعت کے فعال اور سرگرم رکن 39سال سعودی عربیہ جدہ میں مقیم رہے جناب سید عثمان ایس جے صاحب کی مستقل وطن عزیزکی واپسی پر جماعت کی جانب سے انکی خدمت کی قدردانی کرتے ہونے اعتراف خدمت کے اعزاز سے نوازا کیا۔ جناب سید عثمان ایس جے جدہ جماعت میں لمبے عرصے تک حج سکریٹری کے عہدے پر فائز رہ کروطن عزیز سے ائے ہوئے حاجیوں کی خدمت میں پیش پیش رہتے تھے۔اسکے علاوہ انہوں نے ائی پی ڈبلیو یف کے ساتھ جڑ کر ملکی و غیر ملکی حاجیوں کی بھی خدمات میں کوئی کسر نہیں چھوڑی ، انکی اہلیہ بھی خواتین حاجی کی خدمت میں بڑھ چڑھ کر حصہ لیتی تھی او ر بچے بھی ہر وقت انکے ساتھ حاجیوں کی خدمت و فلاحی و سماجی کاموں میں پیش پیش رہتے تھے۔ الحمد للہ جناب سید عثمان ایس جے جدہ اور ینبع میں تجارت کرتے تھے ۔مگر انکا مستقل قیام جدہ ہی تھا۔ جب بھی فلاحی و سماجی کام کرنے کا موقعہ ملتا تو ہروقت تیار رہتے ۔ 2013 اپریل میں جب مِلک عبداللہ بن عبدالعزیز السعود مملکت میں رہ رہے اجنبی جو عمرہ ، حج، یا وزیٹ ویزہ سے غیرقانونی طور پر مقیم ہیں، یا جن احباب کے اسپانسر کے مسائل ہوں انہیں عام معافی کا اعلان کرانہیں وطن واپس جانے کی اجازت دی تھی اس دوران موصوف جدہ میں موجود تنظیموں سے مل کر رات دن کونسلیٹ جنرل آف انڈیا میں اور جیلوں کے اندر تارکین وطن ہندوستانیوں کے لئےاپنی خدمات پیش کر رہے تھے۔
موصوف جدہ میں ایک جانی مانی شخصیت تھے۔ ہر ایک سے خلوص دل سے ملاقاتیں کرتے رہتے تھے۔جلسہ میں موجود کثیر ممبران نے اپنے تاثرات پیش کئے جن میں جناب محمد نعمان علی اکبرا ، جناب محمد یٰسین عسکری، جناب ریحان کوبٹے،جناب قمر سعدا ،جناب عبیداللہ عسکری،جناب ادریس سید ی باپا ، جناب فضل الرحمن منیری،جناب عارف قاسمجی،جناب وسیم سیدی باپا،جناب ارشد ائیکری،جناب فیصل دامودی،جناب سلمان کولا ہیں ،ہر ایک نے انکا وصف بیان کرتے ہوئے کہا کہ وقت کے پابند سواری نہ ہوتے ہوئے بھی وقت کا لحاظ رکھتے پروگراموں میں یا سماجی کام کے لئے پہنچ جاتے تھے۔اپنی ذاتی مشغولیات کے باوجود حجاج کی خدمت ہو یا جماعت کی جانب تفویض کردہ کاموں کو نبھانے کے لئے تیار رہتے، جدہ جماعت میں رسوم ِ تجارت کی ابتدا ء آپ ہی جانب سے ہوئی ہے۔جب بھی مرکزی اداروں کے ذمہ دار یا علمائے کرام جدہ اتے تو انہیں ساتھ دینے کے لئے ہمیشہ تیار رہتے، اپنے ہم عمر والوں کے علاوہ نوجوانوں کے ساتھ محبت اور شفقت سے مل جل کر رہتے۔ اللہ کے بندوں کی مدد کرنا ، لوگوں کو نفع پہنچانا انکا شیوہ تھااور آپ کی سادگی نمایا تھی۔ ممبران نے بڑے ہی تعجب سے اس بات کا بھی ذکر کیا کہ ظُلم طائف کے قریب علاقے میں جدہ سے بہت ہی دوربھٹکلی احباب کے حادثہ کی خبر ملتے ہی اپنی پاس سواری کا انتظام نہ ہونے کے باوجود ٹیکسی سے جائے وقو ع پر پہنچ کرجدہ جماعت کے ذمہ داران کے ساتھ زخمیوں کو ہسپتال منتقل کرنے میں بھی پیش پیش تھے۔ ہمیشہ جماعت کے کا م اور مفاد کو مقدم رکھا، کہا کہ جماعتی زندگی کا رحجان اور قومی خدمت آپ کے اندر شروعات سے ہی پایا جاتا تھا۔ہمیشہ انہوں نے ملازمت سے زیادہ تجارت کی ترغیب دیتے تھے آپ کی کامیابی کا ثمرہ آپکی اہلیہ ہیں جو ہمیشہ آپ کے شانہ بشانہ ساتھ دیتی تھی اور انکے ساتھ جناب ایس کے جامع صاحب کا بھی اہم کردار ہے کہ انہوں نے ہر وقت انہیں اسطرح کے کاموں میں اگے بڑھنے اور خدمت ِ خلق کرنے کا موقع فراہم کیا۔
جناب سید عثمان ایس جے صاحب نے اپنے تاثرات میں کہا جماعت نے کام کرنے کا موقعہ عنایت کیا اور اپنی استظاعت کے مطابق پایہ تکمیل تک پہنچانے کی کوشش کی، اور اپنی اہلیہ اور شریک کاروبار کا بھی شکریہ ادا کیا انکی مد د سے قومی خدمت کے لئے وقت نکال پایا۔ممبران کو کہا کا خدمت کرنے کے مواقع بہت ہیں ،ہر وقت موقع کی تلاش میں رہیں اور اگے بڑھیں ۔
اعترافِ خدمت کا تہنیت نامہ سکریٹری جناب نوید حسن ائیکری نے پڑھکر سنایا، شال پوشی بی سی جے کے سابق صدر جناب محمد یٰسین عسکری او ر جناب محمد نعمان علی اکبر ا کے ہاتوں عمل میں آئی، میمینٹو صدر جماعت جناب عبدالسلام دامدا ابو اور نائب صدر جناب شریف اکرمی نے پیش کیا۔
پروگرام کا اغاز مولوی سید قطب برماور کی تلاوت کلام پاک سے شروع ہوا۔پروگرام کی نظامت سکریٹری جناب نوید حسن ائیکری نے نبھائی اور جلسہ میں تمام ممبران کا استقبال بھی کیا ۔ جلسہ کے صدر جناب عبدالسلام دامدا ابو نے کہا خدمات کا اعتراف ہر وقت ہونا چاہیے تاکہ یہ دوسروں کے لئے نمونہ ثابت ہو،اللہ کی مدد ہر وقت انکے ساتھ ہوتی ہے جو لوگوں کی خدمت میں لگے رہتے ہیںمزید کہا کہ جناب ایس کے جامع کا خلوص تھا کہ انہوں نے ہر وقت سید عثمان صاحب کو خدمت خلق کرنے کے لئے موقعہ دیا، جلسہ کا اختتام جناب شریف اکرمی کے شکرانہ کلمات اور جناب فضل الرحمن منیری کےنصا ئح جیسے عاشورہ روزے رکھنے کی فضیلت اور استغفار پر خصوصی توجہ دینے کی تلقین تھی ،دُعائیہ کلمات پر جلسہ اختتام پذیر ہوا۔
Share this post