بنگلورو22  جون 2023 : بی جے پی کے رکن اسمبلی باسنا گوڑا پاٹل کی نااہلی کی درخواست ہائی کورٹ میں داخل کرتے ہوئے الزام عائد کیا گیا ہے کہ انہوں نے ووٹروں کو دھوکہ دے کر انتخابات جیتے ہیں۔

یہ درخواست عبدالحمید مشرف کی جانب سے دائر کی گئی ہے جو کانگریس کے ٹکٹ پر وجئے پورا حلقہ سے امیدوار تھے۔  نامہ نگاروں سے خطاب کرتے ہوئے مشرف نے یتنال پر انتخابات جیتنے کے لیے ووٹر لسٹ کو مسخ کرنے کا الزام بھی لگایا۔

ان کا کہنا تھا کہ کانگریس کو کلبرگی ضلع کے چنچولی تعلقہ کے جعلی ووٹروں نے پولنگ بوتھ پر یتنال کے حق میں ووٹ ڈالتے ہوئے پایا۔ جب کہ ہمارے کارکنوں کو ایسے دھوکہ دہی والے ووٹروں کی تصاویر ملیں، جو رنگے ہاتھوں پکڑے گئے، پولیس حکام نے اس معاملے میں کوئی کارروائی نہیں کی۔‘

مشرف نے مطالبہ کیا کہ پورے وجئے پورا حلقہ میں گھر گھر سروے کیا جائے۔ ایسے افسران جنہوں نے ایسی غیر قانونی سرگرمیوں کی حوصلہ افزائی کی ہے جس سے شہریوں کو ان کے حق رائے دہی سے محروم کیا گیا ہے انہیں بھی قانونی کارروائی کی جانی چاہیے۔

انہوں نے مزید کہا کہ انہوں نے صدر جمہوریہ ہند، گورنر، چیف الیکشن کمشنر، کرناٹک کے چیف الیکٹورل آفیسر، چیف منسٹر اور ڈسٹرکٹ الیکشن آفیسر کو اس معاملے میں کارروائی کرنے کے لیے خط بھی لکھا ہے۔