بنگلورو 22 نومبر 2021 (فکروخبر/ذرائع) کولار پولیس نے کولار سپرنٹنڈنٹ آف پولیس ڈیکا کشور بابو کی نگرانی میں تقریباً 1,52,72,417 روپے کے گھریلو آلات، کاسمیٹکس آئٹیمس برآمد کرتے ہوئے چار افراد کو گرفتار کرلیا ہے ۔ دی نیو انڈین ایکسپریس سے بات کرتے ہوئے ڈی کشور بابو نے 30 اکتوبر کو کہا کہ چکبالا پور کے باگے پلی سے نگو لاجسٹس، ٹریولز اور ٹرانسپورٹ کے مینیجر سدھاکر نے کولار دیہی پولیس میں شکایت درج کرائی ہے۔ شکایت میں اس نے بیان کیا کہ وہ ایمیزون کے ساتھ کاروباری شراکت دار ہیں اور اس کے مطابق گھریلو سامان، موبائل، کاسمیٹکس، اور 300 دیگر اقسام کی مجموعی طور پر 4027 اشیاء بنگلور رورل کے دیوناہلی سے مالور کے انوگنڈہلی تک سامان کینٹر میں لے گئے ہیں۔سامان بردار گاڑی کا ڈرائیور بتھرال ہاک آسام کا رہنے والا تھا۔ سدھاکر نے بتایا کہ گاڑی کے ڈرائیور نے ایمیزون کی اشیاء چرا لی تھیں، شکایت کی بنیاد پر کولار دیہی پولس میں مقدمہ درج کیا گیا تھا۔ کشور بابو نے بتایا کہ اس جرم کو روکنے کے لیے ڈی وائی ایس پی وی ایل رمیش، انسپکٹر انجنپا اور چند دیگر افراد پر مشتمل ایک ٹیم تشکیل دی گئی تھی، اس ٹیم نے ان کی براہ راست نگرانی میں کام کیا اور مختلف تفصیلات جمع کیں جن میں جی پی آر ایس (جنرل پیکٹ ریڈیو سروسز)، موبائل کی تفصیلات، اور شمالی ہند سمیت مختلف مقامات کا سفر کیا۔ کشور بابو نے بتایا کہ ٹیم نے بتھرل ہاک (گاڑی کا ڈرائیور) اور اس کے ساتھی حسین، ابھیناتھ، سبھی آسام کے رہنے والے اور ہوسکوٹ کے رہنے والے پردیپ کمار کو گرفتار کیا۔ ان کی اطلاع پر پولیس ٹیم نے تقریباً 1,52,72,417 روپے مالیت کی اشیاء برآمد کیں۔ اخبار کے ذرائع نے بتایا کہ ٹیم نے جرم کو حل کرنے کے لیے تکنیکی طریقوں، موبائل ٹریکنگ، ملزمان کے اہلکاروں کی تفصیلات کا استعمال کرتے ہوئے مختلف زاویوں پر کام کیا۔ پولیس سپرنٹنڈنٹ کشور بابو کی سربراہی میں پولیس کے ٹیم ورک کی سینٹرل رینج کے انسپکٹر جنرل آف پولیس ایم چندر شیکر نے تعریف کی اور ٹیم کے لیے انعام کا اعلان بھی کیا۔