شیرور17؍نومبر 2020(فکروخبر/زبیر ندوی)  مؤرخہ 25 ربیع الاول 1442ھ  مطابق 13 نومبر 2020ء بروز جمعہ متصلا بعد نماز مغرب ممبران المبرہ کی سالانہ رپورٹ پیش کی گئی جس میں علماء المبرہ و ممبران نیز  شیرور سے تعلق رکھنے والے مختلف مدارس میں زیر تعلیم نے شرکت کی.بالخصوص مولانا حافظ الطاف صاحب فیضی.مولانا رضوان صاحب ندوی.مولانا جاوید صاحب ندوی تشریف فرما تھے.
جلسہ  کا آغاز محترم جناب مولانا تبریز صاحب کی تلاوت کلام پاک سے ہوئی.بعد ازاں محترم جناب مولانا مفتی محمد ثاقب صاحب ندوی سکریٹری المبرہ نے سبھوں کا پر زور استقبال کیا نیز آج کے اس مجلس کی غرض و غایت پر بھی روشنی ڈالی ، انہوں نے سالانہ رپورٹ پیش کرتے ہوئے  المبرہ کی جملہ کارکردگی  جمیع ممبران کے سامنے رکھی۔ الحمد للہ سبھوں نے خوشی کا اظہار کیا.اور اپنے تاثرات کا اظہار کرتے ہوئے مبارکباد بھی پیش کی۔۔
مولانا الطاف صاحب فیضی نے اپنے تاثرات کی دوران کہا کہ  شیرور کے نوجوانوں کی فکر کی جائے.ان کے لباس اور رہن سہن پر نظر رکھی جائے.المبرہ کے تحت نوجوانوں کو جوڑنے کے لیے ایک کمیٹی تشکیل دی جائے اور خصوصا علماء کو عوام کے ساتھ گھل مل کر کام کرنے پر زور دیا۔۔
محترم جناب مولانا رضوان صاحب ندوی نے اپنے تاثرات میں کہا  کہ علماء کو اپنی ذمہ داریوں کا احساس ہونا بہت ضروری ہے.ساتھ ہی ساتھ علماء کو اپنا ظاہر و باطن سنوارنے کی اشد ضرورت ہے آپس میں سلام کو عام کرنے اور بالخصوص عوام الناس سے اپنے تعلقات استوار رکھنے اور ان میں گھل مل کر کام کرنے اور علماء کو مطالعہ کو اپنا معمول بنانے  کی ترغیب دی. نیز انہوں نے کہا کہ مساجد میں وقتا فوقتا  المبرہ کی جانب سے  مختلف موضوعات پر نشستیں منعقد ہونی چاہیے۔۔ نیز علماء سے درخواست کی کہ علماء عوام الناس کے سامنے اپنے بہترین اخلاق پیش کریں۔۔۔۔
آخر میں صدارتی کلمات کے لیے محترم جناب مولانا بہاؤالدین صاحب ندوی صدر المبرہ کو مدعو کیا گیا.آپ نے سب سے پہلے سبھوں کو مبارکباد پیش کی.ساتھ ہی ساتھ فرمایا کہ ہم اہل مبرہ یعنی جملہ اراکین اپنی اپنی مسئولیات میں مصروف عمل ہیں.اور جمیع اراکین المبرہ اپنے اوقات کو فارغ ُکر کے ہی جملہ کار کردگیوں کو انجام دے پاتے ہیں.لہذا ممکن ہے اس دوران جس اہتمام و انہماک سے کام ہونا تھا نہ ہو پایا.یا جس احسن طریقہ سے کام ہونا تھا نہ ہو پایا جس کے لیے ہمیں آپ اپنے نزدیک معذور سمجھیں۔ مگر پھر بھی ہماری حتی الوسع یہی کوشش رہی ہے کہ ہم اپنے قیمتی اوقات کا صحیح استعمال کریں۔ حق کے ساتھ صحیح مسکن و مصرف میں صَرف کریں.اگر کوئی کوتاہی ہم سے ہو تو برائے مہربانی آگاہ فرمائیں.۔.آخر میں دعائیہ کلمات پر اپنی بات ختم کی.
دعا ہے کہ اللہ آپ کا سایہ المبرہ کے لیے تا دیر سلامت رکھے اور خوب خدمات لے آمین.
آخر میں سکریٹری المبرہ نے سبھوں کی خدمت میں کلمات تشکر پیش کیے.اور دعائیہ کلمات پر یہ نشست برخواست ہوئی.
واضح رہے کہ یہ نشست مغرب تا عشاء کے درمیان اور بعد نماز عشاء کچھ ہی دیر تک جاری تھی جلسہ کی نظامت سکریٹری المبرہ نے بحسن خوبی کے ساتھ انجام دی۔