منگلورو 07 جون 2022 (فکروخبرنیوز/ذرائع) اپناانگڈی گورنمنٹ فرسٹ گریڈ کالج میں کلاسوں میں حجاب پہن کر قواعد کی خلاف ورزی کرنے پر تقریباً 24 طالبات پر سات دنوں کے لیے کلاسز میں شرکت پر پابندی عائد کر دی گئی۔ حکومت نے اسکولوں اور کالجوں کے لیے یونیفارم کو لازمی قرار دیا ہے اور واضح کیا ہے کہ کلاس رومز میں حجاب کی اجازت نہیں ہے۔اگرچہ بہت سی مسلم لڑکیاں قواعد کی پابندی کرتے ہوئے کلاسز میں شرکت کر رہی ہیں، لیکن کچھ اس بات پر اصرار کر رہی ہیں کہ انہیں کلاس رومز میں حجاب پہننے کی اجازت دی جائے۔ معلوم ہوا ہے کہ بہت سے لوگوں نے حجاب کی اجازت دینے والے کالجوں میں داخلہ لینے کے لیے ٹرانسفر سرٹیفکیٹ کے لیے بھی درخواست دی ہے۔