جعلی پاسپورٹ کی تجدید کروانے کی کوشش کرنے والا شخص گرفتار ،(مزید ساحلی خبریں)

جب حکام اس کے دستاویزات کی تفتیش کر رہے تھے تو انہیں اس بات کا علم ہواکہ یہ تمام دستاویزات اور پاسپورٹ جعلی ہے ،اس پر فوری کاروائی کرتے ہوئے اس معاملہ کی خبر پولس کودی گئی ، پولس نے اسے حراست میں لے کر تفتیش کی تو اس نے سارا سچ اگل دیا ، اور اس بات کا اقرار کیا کہ پوئناچی کے رہنے والے ایک شخص نے جعلی پاسپورٹ بنانے میں اس کی مددکی تھی ،اور اس نے اس بات کا بھی خلاصہ کیا ہے کہ اس نے اس پاسپورٹ کو بنانے کے لئے 2008میں اس شخص کو 15000کی بھاری رقم بھی ادا کی تھی، کاسرگوڈ پولس اس معاملہ کی تفتیش کر رہی ہے 

مندر میں پوجا کے دوران بھکتوں کے گلے سے ہار ہوئے غائب ، پولس نے دو کو کیا گرفتار

ملکی :8؍ڈسمبر (فکروخبر نیوز)ملکی پولس کی جانب سے دو خواتین کو حراست میں لئے جانے کی خبر فکروخبر کو موصول ہوئی ہے،تہوار کے موقع پر مندر میں آئے بھکتوں کے ہار چوری کا الزام ان پر عائد کیا گیا ہے ، گرفتار شدہ خواتین کی شناخت متھو میری (38 ) اور نندنی کی حیثیت سے کی گئی ہے،دونوں کا تعلق تمل ناڈو سے بتایا جا رہا ہے ،پولس کا کہنا ہے کہ 5ڈسمبر پونجے جنن شکتی مندر میں چمپا ششٹی کی تقریب منائی جا رہی تھی جس میں بھکتوں کی ایک بھاری بھیڑ جمع تھی ،موقع کا فائدہ اٹھاتے ہوئے ان دونوں نے بھکتوں کے گلے کے ہار پر ہاتھ صاف کرلیا ،اوروہاں سے رفو چکر ہوگئے ،لیکن پولس اس معاملہ کی تفتیش کرتے ہوئے انہیں حراست میں لینے میں کامیاب ہو گئی ، اور ساتھ ہی ان کے قبضے سے سونے کے چار ہار بھی ضبط کئے گئے ہیں ،ملکی پولس انسپکٹر آنند پدمناب نے اپنی ٹیم کے ساتھ مل کر چوری میں ملوث ان خواتین کوحراست میں لینے میں اہم رول ادا کیا ، 

18لاکھ نئے نوٹ کے ساتھ پکڑے گئے تین نوجوان 

بیس فیصد پر فائدے پر پرانے نوٹوں سے تبادلہ کررہے تھے 

پتور:8؍ڈسمبر (فکروخبر نیوز) اٹھارہ لاکھ روپئے کے نئے نوٹ ٹرانسپورٹ کر رہے تین افراد کو پولس کی جانب سے حراست میں لئے جانے کی خبر فکروخبر کو موصول ہوئی ہے ،گرفتار شدہ افراد کی شناخت گولٹامجلو کلڑکا کے رہنے والے جعفر شریف (28) نذیر (25) اور محمد اقبال (26) کی حیثیت سے کی گئی ہے ، بتایا جا رہا ہے کہ تینوں افراد کئی دنوں سے اسی علاقہ کا چکر کاٹ رہے تھے نوٹ بندی کے موقع پر لوگوں کو ان کے پرانے نوٹوں کے بدلہ انہیں نئے نوٹ فراہم کروا رہے تھے اور ساتھ ہی اس کے بدلے بیس فیصد ان سے وصول رہے تھے ،اور اس دن بھی اسی سلسلہ میں کسی شخص کے پاس جا رہے تھے کہ راستہ میں ہی مکرمپاڈی کے مقام پر پولس نے انہیں گرفتار کر لیا ، پولس کا کہنا ہے کہ ان کے پاس سے .82 16لاکھ نئے دو ہزار کے نوٹ بر آمد ہوئے ، اور 100کے سو نوٹ اور بقیہ پچاس کے نوٹ بھی اس میں تھے ،یس پی گلشن بورسے کی رہنمائی میں پتور دیہی پولس نے اس کاروائی کو انجام دیا ،عدالت میں ان کی پیشی کے بعد انہیں عدالتی تحویل میں بھیج دیا گیا ہے یس پی گلشن بورسے کا کہنا ہے کہ رقم دیکھ کر ایسا لگ رہاہے کہ یہ مختلف لوگوں سے کئیں دنوں میں جمع کی گئی ہے، اس معاملہ کی مزید تحقیقات جاری ہیں