شہر بھٹکل میں ایک اور مسجد کا اضافہ

اس موقع پر شرکاء سے خطاب کرتے ہوئے مولانا عبدالعظیم قاضیا ندوی نے کہا کہ مسجد میں آنے والا ہر شخص بابرکت بن جاتا ہے ۔ لہذا اس نورانی ماحول سے اپنے قلب کو منورکریں ۔ مولانا نے کہا کہ آخرت میں اللہ کے عرش کا سایہ اس شخص کو بھی نصیب ہوگا جس کا دل مسجد سے اٹکا ہوا ہو ۔ یہ تڑپ اور جذبہ ہماری آخرت میں کامیابی وکامرانی کا سبب بنے گا ۔ مولانا نے ان لوگوں کے لیے دعا دی جنہوں نے اس مسجد کی تعمیر میں بڑھ چڑھ کر حصہ لیا ۔ مولانا ابوبکر تونسے ندوی نے بھی اس موقع پر اپنے خیالات کا اظہار کرتے ہوئے مسجد کو آباد کرنے والے اعمال پر زور دینے کی تلقین کی۔ ڈاکٹر حنیف شباب نے تعارفی کلمات پیش کئے ۔ اس افتتاحی نشست کا آغاز مولانا عبدالرحمن کی تلاوت سے ہوا اور نعت شریف نثار احمد اور عبدالاحد نے پیش کی اور ننھی منی بچی رابعہ بصریہ نے اسماء الحسنی پیش کرتے ہوئے سب لوگو ں کا دل جیت لیا ۔ واضح رہے کہ اس مسجد میں پہلی نماز،نمازمغرب مولانا عبدالعزیز رکن الدین ندوی کی امامت میں ادا کی گئی ۔ محلہ کے علاوہ آس پاس علاقہ کے لوگ بھی اس پروگرام میں شریک تھے۔