منکی ماون کٹے کراس ہائی وے پر ایک اور سڑک حادثہ : ندیم شیخ جاں بحق

^{بتایا جارہا ہے کہ اس موقع پر زخمی ندیم کو اسپتال میں پہنچانے کے لیے کئی ساری گاڑیوں کے مالکان سے سہار ا پوچھا گیا مگر کوئی امداد کو نہیں آیا۔ بھٹکل سے ایمبولینس پہنچتے پہنچتے بھی دیر ہوگئی تھی، اس بیچ اومنی میں زخمی ندیم کو بھٹکل سرکاری اسپتال لایا گیا ، لانے کے 10دس منٹ بعد اس کو مردہ قراردیا گیا ۔ پل بھر میں خبر پھیلتے ہی لوگوں کا ہجوم سرکاری اسپتال کے قریب جمع ہوگیا ۔یہ بات اب تک سمجھ میں نہیں آئی کہ زخمی ندیم کو منکی، مرڈیشور یا قریبی طبی خانے میں کیوں نہیں لے جایاگیا۔بعض کے بیان کے مطابق اگر اس کو یہاں کے اسپتال میں لے جایا گیا تھا تو علاج کیوں نہیں کیا گیا، کیا سرکاری اسپتالوں میں ڈاکٹروں کا عملہ نہیں تھا؟ اور نہیں ہے تو کیوں نہیں ہے ؟ اور زخمی ندیم کو اومنی میں سرکاری اسپتال لایا گیا تھا ,کیا یہاں کے سرکاری اسپتال میں ایمبولینس کی سہولیات نہیں ہے ؟ فوت ہونیو الے نوجوان کی عمر 23بتائی گئی ہے ، جب کہ پورے چار سال بعد سعودیہ سے گھر میں شادی کی تقریب میں شرکت کے لیے آئے تھے۔ اسی مہینے کے 28تاریخ کو شادی تقریب تھی ، ندیم شیخ منکی کے رہنے والے ہیں ۔ تادمِ تحریر لاش کو پوسٹ مارٹم کے لیے بھیجے جانے کی تیاری جاری ہے ۔}